ഫിഷറീസ്, സമുദ്രപഠനം, മാനേജ്‌മെന്റ്, ടെക്‌നോളജി എന്നിവയുമായി ബന്ധപ്പെട്ട വിഷയങ്ങളില്‍ ഗവേഷണം നടത്താന്‍ കേരള ഫിഷറീസ് സമുദ്ര പഠന സര്‍വകലാശാല (കുഫോസ്) പോസ്റ്റ് ഡോക്ടറല്‍ ഫെലോഷിപ്പിലേക്ക് അപേക്ഷ ക്ഷണിക്കുന്നു .

42,000 രൂപ പ്രതിമാസ സ്റ്റൈപ്പന്റോടെ ഗവേഷണം നടത്താം.

യോഗ്യത: ബന്ധപ്പെട്ട വിഷയത്തില്‍ ഉയര്‍ന്ന നിലവാരത്തില്‍ നേടിയ ഡോക്ടറല്‍ ബിരുദം നേടിയിരിക്കണം.

രണ്ടുവര്‍ഷത്തേക്കാണ് ഫെലോഷിപ്പ് . ഈ കാലയളവില്‍ ഫുള്‍ടൈം റിസര്‍ച്ച്‌ ഫെലോ ആയി യൂണിവേഴ്‌സിറ്റിയില്‍/ബന്ധപ്പെട്ട പ്രോജക്ടില്‍ ജോലിചെയ്യണം. ഗവേഷണം നടത്താനുദ്ദേശിക്കുന്ന വിഷയവുമായി ബന്ധപ്പെട്ട് തയ്യാറാക്കിയ പ്രോജക്‌ട് പ്രൊപ്പോസല്‍സഹിതം അപേക്ഷിക്കണം.

പ്രോജക്‌ട് പ്രൊപ്പോസിലും ലഭിച്ചിട്ടുള്ള ഡോക്ടറല്‍ ബിരുദവും യൂണിവേഴ്‌സിറ്റി നടത്തുന്ന അഭിമുഖവും അടിസ്ഥാനമാക്കിയാകും തെരഞ്ഞെടുപ്പ്. അപേക്ഷ ലഭിക്കേണ്ട അവസാനദിവസം ഏപ്രില്‍-30. വിശദവിവരങ്ങള്‍ക്ക് www.kufos.ac.in എന്ന വെബ്‌സൈറ്റ് സന്ദര്‍ശിക്കുക.