ബംബിൾബീ പൂമ്പൊടിയിൽ കുറവുണ്ടാകുമ്പോൾ പൂക്കളില്ലാത്ത ചെടികളുടെ ഇലകളിൽ അർദ്ധചന്ദ്രന്റെ ആകൃതിയിലുള്ള ചെറിയ ദ്വാരങ്ങൾ ഉണ്ടാക്കുന്നു. ഇങ്ങനെ ഈ ഷഡ്‌പദം ദ്വാരങ്ങൾ ഉണ്ടാക്കുന്ന ചെടികൾ സാദാരണ പൂക്കേണ്ടതിനെകാളും 30 ദിവസം മുമ്പേ തന്നെ പുഷ്പിക്കുന്നു. അങ്ങനെ ചെടികളെ പറ്റിച്ചു ബംബിൾബീ ആഹാരം കണ്ടെത്തുന്നു.

ബീ കുടുംബത്തിലെ പെട്ട ഒരു ഷഡ്‌പദം ആണ് ബംബിൾബീ. ഇവ പൂക്കളിൽ നിന്ന് തേനും പൂമ്പൊടിയും ശേഖരിക്കുന്നു. തേനീച്ചക്കളുമായി അടുത്ത ബന്ധം ഉള്ള ഇവ തേനീച്ചക്കളെ പോലെ തന്നെ തേൻ കുടിക്കുകയും പൂമ്പൊടി കുഞ്ഞുങ്ങളെ ഊട്ടാനും ഉപയോഗിക്കുന്നു. 

ഇപ്പോൾ ശാസ്ത്രജ്ഞർ ലബോറട്ടറിയിൽ ഈ പ്രക്രിയ പുനഃ സൃഷ്‌ടിക്കാൻ ശ്രമിക്കുകയാണ്.
മെറ്റൽ ഫോഴ്‌സ്പ്സും റേസറും ഉപയോഗിച്ച് പാറ്റേണുകൾ ആവർത്തിക്കാൻ ഗവേഷകർ ശ്രമിച്ചു. എന്നാൽ തേനീച്ചയുടെ ഉണ്ടാക്കിയ ദ്വാരങ്ങളെ പോലെ ശാസ്ത്രജ്ഞർ നിർമ്മിച്ചവ ഫലപ്രദമായിരുന്നില്ല.

സസ്യങ്ങൾ വരൾച്ചമൂലമോ , ചില രോഗകാരികൾ മൂലമുണ്ടാകുന്ന അണുബാധകൾ അല്ലെങ്കിൽ മറ്റ് പാരിസ്ഥിതിക സമ്മർദ്ദങ്ങൾ എന്നിവ കൊണ്ട് നേരത്തേ പൂവിടാം. മൃഗങ്ങളുടെ പെരുമാറ്റം സസ്യങ്ങളെ നേരത്തേ പൂവിടാൻ പ്രേരിപ്പിക്കുന്നത് ഇതുവരെ ഗവേഷണം ചെയ്യപ്പെടാത്ത ഒരു പാതയാണ്. ആകസ്മികമായിട്ടാണ് ബംബിൾ തേനീച്ച ഇലകളിൽ നുള്ളുന്നത് ശാസ്ത്രജ്ഞർ ശ്രദ്ധിച്ചത്. ഇപ്പോൾ ഈ സ്വഭാവം ബംബിൾ ബീ കളിൽ മാത്രമേ രേഖപ്പെടുത്തിയിട്ടുള്ളൂ. തേനീച്ച പൂക്കളില്ലാത്ത സസ്യങ്ങളെ അവഗണിച്ചു പൂക്കൾ ഉള്ളവ തേടിപോവികയാണ് പതിവ്.