റിലീസിംഗിനു മുമ്പേ തരംഗം സൃഷ്‌ടിച്ച സിനിമയാണ്‌ ഷാരൂഖ്‌ ഖാന്റെ ജബ്‌തക്‌ ഹെ ജാന്‍. ബര്‍ഫിക്കു ശേഷം ഇത്രയും ചര്‍ച്ച ചെയ്യപ്പെട്ട മറ്റൊരു ചിത്രമില്ല. യാഷ്‌ ചോപ്ര അവസാനം സംവിധാനം ചെയ്‌ത ചിത്രമാണ്‌ ഇത്‌. എ.ആര്‍.റഹ്മാനാണ്‌ സംഗീതം.   ജബ്‌തക്‌ ഹെ ജാനിന്റെ കഥ എന്തെന്ന്‌ പുറത്തു വിട്ടിട്ടില്ല. 2008ല്‍ തമിഴില്‍ വന്‍ ഹിറ്റായ വാരണം ആയിരം എന്ന ചിത്രവുമായി സാമ്യമുണ്ടന്ന്‌ പറയപ്പെടുന്നു. സൂര്യ ഇരട്ട വേഷത്തിലഭിനയിച്ച വാരണം ആയിരത്തിലെ കഥയാണോ ഇതിലെന്ന്‌ സമ്മതിക്കാന്‍ ഈ ചിത്രത്തിന്റെ അണിയറക്കാര്‍ ഒരുക്കമല്ല.