എന്റെ ഭാര്യ ഇസ്ലാം മതത്തിലേക്ക് മാറിയിട്ടില്ലെന്ന് സെയ്ഫ്
കരീന കപൂര് മതം മാറിയിട്ടില്ലെന്ന് ഭര്ത്താവ് സെയ്ഫ് അലി ഖാന്. ജനങ്ങള് കരുതുന്നത് പോലെ കരീന കപൂര് ലവ് ജിഹാദിന്റെ ഭാഗമാകുകയോ മതംമാറ്റത്തിന് വിധേയമാകുകയോ ചെയ്തിട്ടില്ലെന്ന് സെയ്ഫ് അലി ഖാന്. ലവ് ജിഹാദ് എന്ന പരാമര്ശം പോലും ഖേദകരമാണെന്നും മതവുമായി ബന്ധപ്പെട്ട പ്രശ്നത്തില് ഏറ്റവും അധികം വലിച്ചിഴയ്ക്കപ്പെട്ടത് കരീനയെയാണെന്നും സെയ്ഫ് പറഞ്ഞു.
തന്റെ ഭാര്യയുടെ കാര്യത്തില് മതമൗലിക വാദികള്ക്ക് തെറ്റു പറ്റിയിട്ടുണ്ടെന്നും ഇത്തരം വാക്കുകള് വൈകാരികമായും സാമൂഹ്യമായും വൈജ്ഞാനികമായും തെറ്റാണെന്നും അദ്ദേഹം പറഞ്ഞു. ഇത്തരം കാര്യങ്ങള് ഗൗരവമായി എടുക്കുന്നതിന് മുമ്പായി അത്തരക്കാര് ഈ സംഭവത്തിലെ ജ്ഞാനപരവും സ്വഭാവ പരവുമായ കാര്യങ്ങള് ഗൗരവമായി പരിഗണിക്കേണ്ടതുണ്ടെന്നും പറഞ്ഞു.
എന്തിനേക്കാളും ഉപരി ചെയ്യുന്ന ജോലിയാണ് കരീനയ്ക്ക് പ്രശസ്തി നല്കിയിട്ടുള്ളത്. സിനിമയ്ക്കും സമൂഹത്തിനും കരീന നല്കിയ സംഭാവന മുന് നിര്ത്തി രാജ്യം അഭിമാനിക്കുകയാണ് വേണ്ടത്. വനിതകളുടെ അവകാശത്തിനും നല്ല ആരോഗ്യത്തിനും വേണ്ടി അവര് ജോലി ചെയ്തു.
ആധുനിക വ്യക്തിപ്രഭാവത്തിന്റെയും കരുത്തിന്റെയും പ്രതീകമായി അവര് ആദരിക്കപ്പെടേണ്ടതുണ്ടെന്നും സെയ്ഫ് പറഞ്ഞു. 2012 ലാണ് സെയ്ഫും കരീനയും വിവാഹിതരായത്. അതിന് ശേഷം ലവ് ജിഹാദുമായി ബന്ധപ്പെട്ട് കരീന നിരന്തരം ആക്രമിക്കപ്പെടുന്നുണ്ട്. അടുത്തിടെ, സെയ്ഫ് അലി ഖാനും ഭാര്യ കരീന കപൂറും ഹിന്ദുമതത്തിലേക്ക് മാറണമെന്ന് ഹിന്ദു മഹാസഭയുടെ വാരികയായ ഹിന്ദുസഭ ആവശ്യപ്പെട്ടിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha