വാടക ഗര്ഭത്തിലൂടെ ആണ്കുഞ്ഞ് പിറക്കാന് പോകുന്നു; ഷാരൂഖ് വിവാദത്തില്
ബോളിവുഡ് സൂപ്പര് താരം ഷാരൂഖ് ഖാന് വിവാദത്തില്. വാടക ഗര്ഭത്തിലൂടെ ആണ്കുഞ്ഞ് പിറക്കുന്നു എന്ന വാര്ത്തയാണ് താരത്തെ വിവാദത്തില്പ്പെടുത്തിയത്. മിഡ് ഡേ പത്രമാണ് ഷാരൂഖ്-ഗൗരി ദമ്പതികള്ക്ക് വാടക ഗര്ഭത്തിലൂടെ ആണ്കുഞ്ഞ് പിറക്കുന്നു എന്ന വാര്ത്ത പുറത്തു വിട്ടത്. വാടക ഗര്ഭത്തിലൂടെ ജൂലൈ വാരത്തില് കുഞ്ഞു പിറക്കുമെന്നാണ് റിപ്പോര്ട്ടില് പറയുന്നത്. ഈ വാര്ത്ത പുറത്തു വന്നതിനുശേഷം റേഡിയോളജിസ്റ്റുകളുടെ സംഘടനയായ ഇന്ത്യന് റേഡിയോളജിക്കല് ആന്ഡ് ഇമാജിങ് അസോസിയേഷന് രംഗത്തെത്തി. ഇതിനെ തുടര്ന്ന് ആരോഗ്യ വകുപ്പ് കേസെടുത്തു. ജനനത്തിന് മുന്പ് കുഞ്ഞിന്റെ ലിംഗ നിര്ണയം നടത്തുന്നത് നിയമവിരുദ്ധമാണെന്ന് ചൂണ്ടിക്കാട്ടിയാണ് സംഘടന രംഗത്തെത്തിയത്. മഹാരാഷ്ട്രയില് സ്ത്രീ-പുരുഷ അനുപാതം ആശങ്കാജനകമായതിനെ തുടര്ന്ന് മഹാരാഷ്ട്രയില് റേഡിയോളജിസ്റ്റുകള് നിരീക്ഷണത്തിലാണ്.
https://www.facebook.com/Malayalivartha
