ഗായകന്‍ സച്ചിന്‍ വാര്യരുടെ വിവാഹ നിശ്ചയത്തിന്റെ ചിത്രങ്ങള്‍
അടുത്ത ബന്ധുക്കളും സുഹൃത്തുക്കളും പങ്കെടുത്ത ചടങ്ങില്‍ വച്ച് ചലച്ചിത്ര പിന്നണി ഗായകന്‍ സച്ചിന്‍ വാര്യരുടെ വിവാഹനിശ്ചയം കഴിഞ്ഞു. തൃശ്ശൂര്‍ സ്വദേശിനിയായ പൂജ പുഷ്പരാജ് ആണ് പ്രതിശ്രുതവധു.
ചടങ്ങുകളില്‍ , കുമ്പളങ്ങി നൈറ്റ്‌സ് എന്ന ചിത്രത്തിലൂടെ ശ്രദ്ധേയയായ അന്നാ ബെന്‍, ആനന്ദം എന്ന സിനിമയിലെ താരങ്ങളായ അനാര്‍ക്കലി മരക്കാര്‍, വിശാഖ് നായര്‍, റോഷന്‍ മാത്യു, തോമസ് മാത്യു എന്നിവരും ചിത്രത്തിന്റെ സംവിധായകന്‍ ഗണേഷ് രാജും പങ്കെടുത്തു.
2010-ല്‍ പുറത്തിറങ്ങിയ വിനീത് ശ്രീനിവാസന്‍ ചിത്രം മലര്‍വാടി ആര്‍ട്‌സ് ക്ലബ്ബിലൂടെയാണ് സച്ചിന്‍ പിന്നണി ഗാനരംഗത്തേക്കെത്തുന്നത്. പിന്നീട് വീനീത് തന്നെ സംവിധാനം ചെയ്ത തട്ടത്തിന്‍ മറയത്തിലെ മുത്തുച്ചിപ്പി.. എന്ന് തുടങ്ങുന്ന ഗാനവും തട്ടത്തിന്‍ മറയത്തെ പെണ്ണേ എന്ന ഗാനവും ഏറെ ശ്രദ്ധനേടി.
നേരം, വര്‍ഷം, നീന, ജമ്‌നാ പ്യാരി, ആന്‍ മരിയ കലിപ്പിലാണ്, പ്രേമം, ആനന്ദം, ഗോദ, പോക്കിരി സൈമണ്‍ തുടങ്ങി നാല്‍പതോളം ചിത്രങ്ങളില്‍ പിന്നണി പാടിയിട്ടുണ്ട്. ആനന്ദം എന്ന ചിത്രത്തിലൂടെ സംഗീതസംവിധായകനായും സച്ചിന്‍ തിളങ്ങി.
https://www.facebook.com/Malayalivartha
