സംവിധായകൻ അരുണ് ഗോപി സഞ്ചരിച്ച കാറിൽ അമിത വേഗതയിലെത്തിയ ലോറി ഇടിച്ചു; നിർത്താതെ പോയ ലോറി പോലീസിന്റെ സഹായത്തോടെ പിന്തുടർന്ന് പിടിച്ചു- ജീവൻ തിരിച്ചു കിട്ടിയത് ബിഎംഡബ്യു കാര് ആയതിനാല് മാത്രമാണെന്ന് അരുണ് ഗോപി
സംവിധായകൻ അരുൺഗോപിയുടെ കാർ അപകടത്തിൽപ്പെട്ടു. ഇന്നലെ രാത്രി 0.45ഓടെയാണ് അരുണ് ഗോപി സഞ്ചരിച്ച കാര് ആക്സിഡന്റ് ആയത്. തലനാരിഴയ്ക്കാണ് സംവിധായകന് രക്ഷപ്പെട്ടത്. അരുണ്ഗോപിയുടെ ബിഎംഡബ്ല്യുവിലേക്ക് ഒരു ലോറി ഇടിച്ച് കയറിയാണ് അപകടമുണ്ടായത്. കൊച്ചി മരടിന് സമീപമായിട്ടാണ് അപകടമുണ്ടായത്. അരൂരില് നിന്ന് കുടുംബവുമായി കൊച്ചിയിലെ വീട്ടിലേക്ക് പോകുമ്പോൾ ലേമെര്ഡിയന് ഹോട്ടലിന് മുന്നിലെ പാലത്തില് വെച്ച് പുറകില് നിന്നു അമിത വേഗത്തില് എത്തിയ ലോറി മറ്റൊരു കാറിനെ മറികടക്കാന് ശ്രമിക്കവേ അരുണ് സഞ്ചരിച്ചിരുന്ന വാഹനത്തില് ഇടിക്കുകയായിരുന്നു.
വാഹനമിടിച്ചതറിഞ്ഞെങ്കിലും ലോറിയുടെ ഡ്രൈവര് നിര്ത്താതെ പോയി. തുടര്ന്നു പൊലീസിന്റെ സഹായത്തോടെ ലോറിയെ പിന്തുടര്ന്നു പിടിച്ചു. ഇടിയുടെ ശക്തിയില് ബിഎംഡബ്ല്യുവിന്റെ ഒരു ഭാഗം തകര്ന്നു. മദ്യപിച്ച് ബോധമില്ലാതെ ഡ്രൈവര് ലോറി ഓടിച്ചതാണ് അപകടത്തിന് കാരണമായത്. സംഭവത്തില് ഡ്രൈവര്ക്കെതിരെ മരട് പൊലീസില് സംവിധായകര് പരാതി നല്കി. ബിഎംഡബ്യു കാര് ആയതിനാല് മാത്രമാണ് താന് രക്ഷപ്പെട്ടതെന്ന് സംഭവത്തിന് ശേഷം അരുണ് ഗോപി പ്രതികരിച്ചു.
https://www.facebook.com/Malayalivartha