നടി മീര ജാസ്മിന് വിവാഹമോചിതയായെന്നും, അരുണ് ഗോപിക്കൊപ്പമാണ് ഇനിയെന്ന തരത്തിലും പ്രചരിച്ച കമന്റുകൾക്ക് ചുട്ട മറുപടിയുമായി സംവിധായകൻ അരുണ് ഗോപി രംഗത്ത്
നടി മീരാ ജാസ്മിനൊപ്പമുള്ള സെൽഫി പങ്കുവെച്ചതിനെ തെറ്റായി വ്യാഖാനിച്ചവര്ക്ക് ചുട്ട മറുപടിയുമായി സംവിധായകൻ അരുണ് ഗോപി രംഗത്ത്. ഫേസ്ബുക്ക് പോസ്റ്റിലൂടെയാണ് അദ്ദേഹം കാര്യങ്ങള് വിശദീകരിച്ചത്. ഒരുകാലത്ത് സിനിമയില് സജീവമായി നിന്നിരുന്ന മീര ജാസ്മിൻ പെട്ടെന്ന് അപ്രത്യക്ഷയായപ്പോള് ആരാധകര്ക്കായിരുന്നു നിരാശ. വ്യക്തി ജീവിതത്തിലെ പ്രതിസന്ധി ഘട്ടത്തിലും ആരാധകര് ശക്തമായ പിന്തുണയായിരുന്നു താരത്തിന് നല്കിയത്. ഇടവേള അവസാനിപ്പിച്ച് സിനിമയിലേക്ക് തിരിച്ച് വന്നൂടേയെന്നായിരുന്നു ആരാധകരുടെ ചോദ്യം . ഇതിനിടയിലായിരുന്നു അരുൺ ഗോപിക്കൊപ്പമുള്ള മീരയുടെ ചിത്രങ്ങൾ സോഷ്യൽ മീഡിയയിൽ വൈറലായത്.
മീര ജാസ്മിന് വിവാഹമോചിതയായെന്നും അരുണ് ഗോപിക്കൊപ്പമാണ് ഇനിയെന്ന തരത്തിലായിരുന്നു ചിലര് ചിത്രത്തെ വ്യാഖ്യാനിച്ചത്. സോഷ്യല് മീഡിയയിലൂടെ ഇത്തരത്തിലുള്ള വിമര്ശങ്ങള് തുടരുന്നതിനിടയിലാണ് കൃത്യമായ മറുപടിയുമായി സംവിധായകനെത്തിയത്. എന്തിനാണ് ഇങ്ങനെ നെഗറ്റീവ് ചെയ്യുന്നതെന്നായിരുന്നു അദ്ദേഹത്തിന്റെ ചോദ്യം. സ്ക്രീന് ഷോട്ട് സഹിതമായാണ് അദ്ദേഹം കുറിപ്പ് പോസ്റ്റ് ചെയ്തത്.
എന്തൊരു കഷ്ടമാണ് ഒരു സുഹൃത്തിനൊപ്പമുള്ള ചിത്രം പോലും പങ്കുവയ്ക്കാന് പറ്റാത്ത ലോകം ആകുകയാണോ ഇത് ?? എല്ലാര്ക്കും ജീവിക്കണം ഇല്ലാകഥകളില് ഇക്കിളി ചേര്ത്ത് ഉണ്ടാക്കിയല്ലാ ജീവിത മാര്ഗ്ഗം കണ്ടെത്തേണ്ടത്!! ഇത്തരം ഓണ്ലൈന് സൈറ്റുകളില് ജീവിക്കുന്നത് കൊണ്ട് സൗഹൃദം എന്ന വാക്കിന്റെ അര്ത്ഥം അറിയാന് പാടില്ല എന്നൊരു നിര്ബന്ധം കൊണ്ടുനടക്കരുത്..!! ജീവിതത്തിലെ നല്ല സുഹൃത്തുക്കളെ ചേര്ത്ത് പിടിക്കുകതന്നെ ചെയ്യും അത് ആണായാലും പെണ്ണ് ആയാലും!! കടലാസ്സു വിമാനങ്ങളുടെ ആകാശയുദ്ധത്തിനു താല്പര്യമില്ല!! സൗഹൃദങ്ങള് പറന്നുയരട്ടെ!! പെണ്കുട്ടികള് പറന്നു ഉയരുന്ന നാടാണിത്!! "ഉയരെ" അങ്ങനെ ഉയരട്ടെ, ഇതായിരുന്നു അദ്ദേഹത്തിന്റെ കുറിപ്പ്.
https://www.facebook.com/Malayalivartha