35–കാരിയായ മീര ജാസ്മിന് ഇനിയൊരു തിരിച്ചു വരവ് ഉണ്ടാകില്ല എന്ന് കരുതിയവരെ പോലും ഞെട്ടിച്ച് മെലിഞ്ഞ് സുന്ദരിയായി താരം; സഹോദരിയുടെ വിവാഹത്തിന് ആടിയും, പാടിയും മീര-ദിലീപിനൊപ്പമുള്ള ചിത്രങ്ങൾ വൈറൽ...
മലയാളത്തിൽ മാത്രമല്ല തമിഴിലും മുൻനിര നായികയായി കത്തി നിൽക്കുമ്പോഴായിരുന്നു സിനിമയിൽ നിന്നുളള മീരയുടെ പിന്മാറ്റം. സൂത്രധാരന് എന്ന ചിത്രത്തിലൂടെ ലോഹിതദാസ് ആയിരുന്നു മീരയെ മലയാള സിനിമയ്ക്ക് പരിചയപ്പെടുത്തുന്നത്. പില്ക്കാലത്ത് മീര ജാസ്മിന് സ്വന്തമാക്കിയ നേട്ടങ്ങള് കേരളക്കരയ്ക്ക് അഭിമാനിക്കാന് പാകമുള്ളതായിരുന്നു. കഴിവ് കൊണ്ട് വെള്ളിത്തിരയില് തിളങ്ങി നിന്നെങ്കിലും മീര ജാസ്മിനെ കാത്ത് നിന്നത് പലതരം വിവാദങ്ങളായിരുന്നു. ഇതോടെ കരിയര് പാതി ഉപേക്ഷിച്ച നടി വിവാഹത്തോടെ സിനിമയില് നിന്നും പൂര്ണമായും അപ്രത്യക്ഷയായി.
കാലങ്ങളോളം മീരയായിരുന്നു മലയാളത്തിന്റെ നായികാനിരയിലെ ആദ്യ സ്ഥാനം അലങ്കരിച്ചിരുന്നത്. എന്നാൽ വിവാഹശേഷം നടി വിദേശത്തേക്ക് പോയതിനു ശേഷം മീരയെ മലയാളികൾ അധികം കണ്ടിട്ടില്ല. വര്ഷത്തില് ഒന്നോ രണ്ടോ സിനിമകളില് വലിയ അഭിനയിച്ചിട്ടുണ്ടെങ്കിലും പഴയത് പോലെ പ്രേക്ഷകരെ സ്വാധീനിക്കുന്ന കഥാപാത്രങ്ങളൊന്നും അതിലില്ലായിരുന്നു. ഇടയ്ക്കെപ്പോഴോ മീരയുടെ ഒരു ചിത്രം പുറത്തു വന്നപ്പോൾ അത് ആരാധകരെ നിരാശപ്പെടുത്തുകയും ചെയ്തു. താരത്തിന് തടി കൂടിയെന്നതു തന്നെ കാരണം.
എന്നാൽ അന്നു വിഷമിച്ചവരെയും വിമർശിച്ചവരെയും ഒരുപോലെ ഞെട്ടിച്ച് മീര ജാസ്മിൻ തിരിച്ചു വന്നിരിക്കുന്നു. കഴിഞ്ഞ ദിവസം തന്റെ സഹോദരിയായ ജെനിയുടെ കല്യാണത്തിന് എത്തിയ മീരയുടെ ചിത്രങ്ങൾ ആരാധകർ ആഘോഷമാക്കുകയാണ്. നടൻ ദിലീപ് ഉൾപ്പടെയുള്ളവർ പങ്കെടുത്ത വിവാഹത്തിൽ അവർക്കൊപ്പം നിൽക്കുന്ന മീരയുടെ ചിത്രങ്ങൾ വൈറലാണ്. 35–കാരിയായ മീരയ്ക്ക് ഇനിയൊരു തിരിച്ചു വരവ് ഉണ്ടാകില്ല എന്നു കരുതിയവരെ പോലും ഞെട്ടിച്ചു കളഞ്ഞു താരം. തടി കുറച്ച് അതീവ സുന്ദരിയായാണ് ഇൗ ചിത്രങ്ങളിൽ മീര പ്രത്യക്ഷപ്പെട്ടിരിക്കുന്നത്. കഴിഞ്ഞ ദിവസം സംവിധായകൻ അരുൺ ഗോപിക്കൊപ്പമുള്ള ചിത്രത്തിലും ഗംഭീര ലുക്കിൽ മീരയെ കണ്ടിരുന്നു.
2016–ലാണ് മീര ജാസ്മിൻ അവസാനമായി ഒരു സിനിമയിൽ അഭിനയിച്ചത്. ഡോൺ മാക്സ് സംവിധാനം ചെയ്ത 10 കൽപനകൾ ആയിരുന്നു ആ ചിത്രം. ദേശീയ അവാർഡ് ജേതാവായ താരം 2014–ലാണ് അനിൽ എന്ന സോഫ്റ്റ്വെയർ എഞ്ചിനിയറെ വിവാഹം ചെയ്ത് വിദേശത്തേക്ക് പോയത്. അതിനു ശേഷം വളരെ വിരളമായി മാത്രമെ താരത്തെ പൊതുവേദികളിൽ കണ്ടിട്ടുള്ളൂ. പുതിയ ലുക്കിലുള്ള മടങ്ങിവരവ് സിനിമയിലേക്കു കൂടിയുള്ള തിരിച്ചുവരവാണോ എന്നാണ് ഇപ്പോൾ ആരാധകർ ചോദിക്കുന്നത്.
സംവിധായകനും തിരക്കഥാകൃത്തുമായ അരുണ് ഗോപി മീര ജാസ്മിനൊപ്പമുള്ള പുതിയ ചിത്രങ്ങള് പുറത്ത് വിട്ടിരുന്നു. നമ്മുടെ ആത്മാര്ത്ഥ സുഹൃത്തുക്കള്ക്കൊപ്പം സമയം ചിലവിടുന്നതാണ് ജീവിതത്തിലെ ഏറ്റവും നല്ല കാര്യമെന്ന് പറഞ്ഞാണ് സോഷ്യല് മീഡിയ പേജിലൂടെ മീരയ്ക്കെപ്പമുള്ള ചിത്രം അരുണ് ഗോപി പങ്കുവെച്ചത്. ഇരുവരും ദുബായില് വെച്ച് കണ്ടുമുട്ടിയപ്പോഴുള്ള ചിത്രങ്ങളായിരുന്നിത്. മലയാളത്തിലെ പുതുമുഖ സംവിധായകന്മാരില് ഒരാളായ അരുണ് ഗോപിയ്ക്കൊപ്പം മീരയുടെ പുതിയ ചിത്രങ്ങള് കണ്ടതോടെ ആരാധകരും ആകാംഷയിലാണ്. നടി വെള്ളിത്തിരയിലേക്ക് തിരിച്ച് വരുന്നതിന്റെ ഭാഗമായിട്ടാണോ ഈ ചിത്രങ്ങള് പങ്കുവെച്ചിരിക്കുന്നതെന്നാണ് പലരും ചോദിക്കുന്നത്.
കഴിഞ്ഞ വര്ഷം മീര ജാസ്മിന്റേതായി പുറത്ത് വന്ന ചിത്രം കണ്ട് ആരാധകര് ഞെട്ടിയിരുന്നു. ഒരു ജ്വല്ലറിയില് സഹോദരിയ്ക്കൊപ്പമെത്തിയ മീരയുടെ ചിത്രങ്ങളായിരുന്നു വൈറലായത്. ചിത്രത്തില് തടിച്ചുരുണ്ട രൂപത്തിലായിരുന്നു. എന്നാല് ആരെയും അതിശയിപ്പിക്കുന്ന മേക്കോവറാണ് നടി നടത്തിയിരിക്കുന്നത്. മുന്പത്തെക്കാള് ചെറുപ്പവും ചുറുചുറുക്കുമുള്ള മീര ജാസ്മിനാണ് പുതിയ ചിത്രത്തില് നിറഞ്ഞ് നില്ക്കുന്നത്. ഇതെല്ലാം സൂചിപ്പിക്കുന്നത് മീരയുടെ സിനിമയിലേക്കുള്ള തിരിച്ച് വരവ് തന്നെയാണെന്നാണ് ആരാധകര് പറയുന്നത്.
https://www.facebook.com/Malayalivartha