താന് മുസ്ലിം ആണെന്ന് വെളിപ്പെടുത്തി നടി അനു സിത്താര; അച്ഛന് അബ്ദുള് സലാമിന്റെയും അമ്മ രേണുകയുടെയും വിപ്ലവ കല്യാണമായിരുന്നെന്നും, അമ്മ വീട്ടുകാരുടെ പിണക്കം മാറിയത് താൻ ജനിച്ച ശേഷമാണെന്നും താരം
പത്താംക്ലാസ് സര്ട്ടിഫിക്കറ്റില് താന് മുസ്ലിം ആണെന്നു വെളിപ്പെടുത്തി നടി അനു സിത്താര. ഒരു മാസികയ്ക്ക് നല്കിയ അഭിമുഖത്തിലാണ് അനു സിത്താര ഇത് പറഞ്ഞത്. അച്ഛന് അബ്ദുള് സലാമിന്റെയും അമ്മ രേണുകയുടെയും വിപ്ലവ കല്യാണമാണ്. ഞാന് ജനിച്ച ശേഷമാണ് അമ്മ വീട്ടുകാരുടെ പിണക്കം മാറിയത്. അത് കൊണ്ട് ഹാപ്പിയായത് ഞാനും അനിയത്തിയുമാണ്. വിഷുവും ഓണവും റംസാനുമൊക്കെ ഞങ്ങള് ആഘോഷിക്കുമെന്നും അനു പറയുന്നു. ഒരു രഹസ്യം കൂടി പറയാം. തന്റെ പത്താം ക്ലാസിലെ സര്ട്ടിഫിക്കറ്റില് ഞാന് മുസ്ലിം ആണ്. ഉമ്മ ഞങ്ങളെ നിസ്കരിക്കാനൊക്കെ പഠിപ്പിച്ചിട്ടുണ്ട്. നോമ്പും എടുക്കാറുണ്ടെന്നും അനു സിത്താര പറയുന്നു.
നാടക പ്രവര്ത്തകനായിരുന്നു അനുവിന്റെ പിതാവ് അബ്ദുള് സമദ്. അമ്മ നര്ത്തികയും. വയനാട് സ്വദേശിനിയായ അനു എട്ടാം ക്ലാസ് മുതല് കലാമണ്ഡലത്തില് നിന്നും മോഹിനിയാട്ടം അഭ്യസിച്ച് വരികയായിരുന്നു. സ്കൂള് കലോത്സവത്തിലൂടെ ശ്രദ്ധിക്കപ്പെട്ടതോടെ സിനിമയിലേക്കുള്ള അവസരങ്ങള് നടിയെ തേടി എത്തുകയായിരുന്നു. കുറഞ്ഞ കാലം കൊണ്ട് ഉയരങ്ങളിലെത്താന് അനുവിന് കഴിഞ്ഞു.
ഫാഷന് ഫോട്ടോഗ്രാഫറായ വിഷ്ണുവാണ് നടിയുടെ ഭര്ത്താവ്. ചെറുപ്പം തൊട്ടെ ഉണ്ടായിരുന്ന പ്രണയത്തിനൊടുവില് 2015 ലായിരുന്നു അനു സിത്താരയും വിഷ്ണു പ്രസാദും തമ്മിലുള്ള വിവാഹം നടക്കുന്നത്. സിനിമയില് സജീവമായി അഭിനയിച്ച് തുടങ്ങിയതോടെ പല പരിപാടികളിലും അനുവും ഭര്ത്താവും ഒന്നിച്ചായിരുന്നു എത്തിയിരുന്നത്. ഇരുവരും തമ്മിലുള്ള പ്രണയത്തെ കുറിച്ചും വിവാഹത്തിലേക്ക് എത്തിയതിനെ കുറിച്ചുമെല്ലാം നടി തന്നെ പല അഭിമുഖങ്ങളിലും വ്യക്തമാക്കിയിട്ടുണ്ട്.
https://www.facebook.com/Malayalivartha