നമ്മുക്കൊരു ഫുൾ ജാർ സോഡാ കാച്ചിയാല്ലോ; 'വടക്കുന്നാഥന്റെ മണ്ണിൽ അവർ വീണ്ടും കണ്ടുമുട്ടുന്നു, തൂവാനത്തുമ്പികൾക്കു ശേഷം. ഇത്തവണ ഇട്ടിമാണി മേയ്ഡ് ഇൻ ചൈനക്ക് വേണ്ടി
ലൂസിഫറിന് ശേഷം ആശീര്‍വാദ് ഒരുക്കുന്ന ഇട്ടിമാണി മെയ്ഡ് ഇന്‍ ചൈന എന്ന ചിത്രത്തിൽ വീണ്ടും അശോകനും മോഹന്‍ലാലും ഒന്നിക്കുന്നു. ഇരുവരുടെയും ചിത്രങ്ങള്‍ പങ്ക് വെച്ച്‌ നമുക്കൊരു ഫുള്‍ ജാര്‍ സോഡ കാച്ചിയാലോ എന്ന അടിക്കുറിപ്പോടെ അജു വര്‍ഗീസാണ് ചിത്രം ഷെയര്‍ ചെയ്തിരിക്കുന്നത്.
മോഹന്‍ലാലിന്റേയും അശോകന്റേയും സിനിമാ ജീവിതത്തിലെ ഏറ്റവും നിർണായകമായ ചിത്രമാണ് പത്മരാജന്റെ തൂവാനത്തുമ്പികള്‍. നമുക്കോരോ നാരങ്ങാവെള്ളം കാച്ചിയാലോ എന്ന് തൂവാനത്തുമ്ബികളിലെ ജയകൃഷ്ണന്‍ സുഹൃത്തായ ഋഷിയോട് പറയുന്ന ഡയലോഗ് വളരെ ഹിറ്റാണ്. ഇപ്പോഴിതാ സോഡാ സര്‍ബത്തിന്റെ കാലമൊക്കെ കഴിഞ്ഞു . ഇത് ഫുള്‍ ജാര്‍ സോഡയുടെ കാലമാണ്. വീണ്ടും ജയകൃഷ്ണനും ഋഷിയും ഒന്നിക്കുകയാണ്. 'വടക്കുന്നാഥന്റെ മണ്ണിൽ അവർ വീണ്ടും കണ്ടുമുട്ടുന്നു, തൂവാനത്തുമ്പികൾക്കു ശേഷം. ഇത്തവണ ഇട്ടിമാണി മേയ്ഡ് ഇൻ ചൈനക്ക് വേണ്ടി !!! നമ്മുക്കൊരു ഫുൾ ജാർ സോഡാ കാച്ചിയല്ലോ' എന്ന കുറിപ്പോടുകൂടിയാണ് അജു വർഗീസ് ചിത്രം പോസ്റ്റ് ചെയ്തിരിക്കുന്നത്.
ഇട്ടിമാണിയുടെ ലൊക്കേഷന്‍ ചിത്രങ്ങളും ഫസ്റ്റ് ലുക്കും ഇതിനോടകം വൈറലായിരുന്നു. മാര്‍ഗം കളി വേഷത്തിലുള്ള മോഹന്‍ലാലിന്‍്റെ പോസ്റ്ററുകള്‍ ആരാധകരില്‍ കൌതുകം ഉണര്‍ത്തി. ലൂസിഫറിന്റെ വന്‍ വിജയത്തിന് ശേഷം തീയേറ്ററുകളിലെത്തുന്ന മോഹന്‍ലാല്‍ ചിത്രത്തിന്റെ തിരക്കഥയും സംവിധായകരുടേത് തന്നെയാണ്. തൃശൂരാണ് കഥ നടക്കുന്ന പശ്ചാത്തലം. 32 വര്‍ഷത്തെ ഇടവേളയ്ക്ക് ശേഷം മോഹന്‍ലാല്‍ തൃശൂര്‍ ഭാഷ സംസാരിക്കുന്ന സിനിമയുമാണ് 'ഇട്ടിമാണി'. പത്മരാജന്റെ തൂവാനത്തുമ്പികളിലാണ് ഒരു മോഹന്‍ലാല്‍ കഥാപാത്രം ഇതിനുമുന്‍പ് തൃശൂര്‍ ഭാഷ സംസാരിച്ചത്. ഇട്ടിമാണിയില്‍ മോഹന്‍ലാലിനൊപ്പം ഹണി റോസ്, സിദ്ദിഖ്, സലിംകുമാര്‍, വിനുമോഹന്‍, രാധിക, അരിസ്റ്റോ സുരേഷ്, വിവിയ, കോമള്‍ ശര്‍മ്മ എന്നിവര്‍ മറ്റ് കഥാപാത്രങ്ങളെ അവതരിപ്പിക്കുന്നു. ഷാജിയാണ് ഛായാഗ്രഹണം.
https://www.facebook.com/Malayalivartha
