സംഘട്ടന രംഗത്തിന്റെ ഷൂട്ടിങ്ങിനിടെ ശരീരത്തേയ്ക്ക് തീപടർന്നു; നടൻ ടോവിനോ തോമസിന് പൊള്ളലേറ്റു
21 JUNE 2019 08:33 PM IST
മലയാളി വാര്‍ത്ത
സിനിമാ ചിത്രീകരണത്തിനിടെ ടോവിനോക്ക് പൊള്ളലേറ്റു. നവാഗത സംവിധായകനായ സ്വപ്നേഷ് കെ നായരുടെ ‘എടക്കാട് ബറ്റാലിയൻ 06’ എന്ന സിനിമയുടെ ചിത്രീകരണത്തിനിടെയാണ് താരത്തിന് പൊള്ളലേറ്റത്.
സിനിമയുടെ സംഘട്ടന രംഗത്തിനിടെ പൊള്ളലേറ്റ ടോവിനോക്ക് ഉടൻ വെെദ്യസഹായം ലഭ്യമാക്കുകയായിരുന്നു. ആശങ്കപ്പെടാനൊമില്ലെന്ന് അണിയറപ്രവർത്തകർ അറിയിച്ചു. സിനിമാ ചിത്രീകരണത്തിന്റെ വീഡിയോ നിർമ്മാതാവ് സാന്ദ്രാ തോമസ് പങ്കുവെച്ചു.
അഭിനയത്തിനായുള്ള ടോവിനോയുടെ സമർപ്പണബോധത്തെ പ്രശംസിച്ചാണ് സാന്ദ്ര തോമസ് വീഡിയോ ഷെയർ ചെയ്തത്. തീ ഉപയോഗിച്ചുള്ള ചിത്രീകരണത്തിനായി ഡ്യൂപിനെ ഉപയോഗിക്കാമെന്ന് അണിയറപ്രവർത്തകർ അറിയിച്ചെങ്കിലും ടോവിനൊ സ്വയം വേഷം ചെയ്യുകയായിരുന്നു. തീവണ്ടിക്ക് ശേഷം ടോവിനോയും സംയുക്താ മേനോനും ഒന്നിക്കുന്ന ചിത്രമാണ് എടക്കാട് ബറ്റാലിയിൻ.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
