മമ്മൂട്ടിയെ കാണാനെത്തിയ ആരാധകനു ഒരൊറ്റ ആഗ്രഹം ; ഒടുവിൽ മുഖത്തു നോക്കി രണ്ടു ഡയലോഗും പറഞ്ഞു മടങ്ങി
സിനിമ അഭിനേതാക്കളുടെ ആരാധകർക്കു ആഗ്രങ്ങൾ പലതാണ്. ചിലർക്ക് താരങ്ങളെ നേരിട്ടു കാണണം, ചിലർക്ക് കെട്ടി പിടിക്കണം, ചിലർക്ക് ഒപ്പു വേണം, ചിലർക്ക് ഹസ്തദാനം വേണം. എന്നാൽ ഏറെ പേർക്കും ആഗ്രഹം സെൽഫി എടുക്കുക തന്നെയാണ്. എന്നാൽ ഇവയിൽ നിന്നും വ്യത്യസ്തമായ ആഗ്രഹവുമായിട്ടാണ് മമ്മൂട്ടിയുടെ ഒരു ആരാധകൻ എത്തിയത്. ' ഇക്കാനെ കാണണം, ഇക്കാന്റെ സിനിമയിലെ ഒരു ഡയലോഗ് അവതരിപ്പിക്കണം' ഇതായിരുന്നു ഹക്കീമെന്ന ആരാധകൻറെ ആവശ്യം.
തൻറെ ആരാധാകൻറെ ആഗ്രഹം നിറവേറ്റാൻ താരവും മടിച്ചില്ല. കാണാനും ഡയലോഗ് പറയാനും മലയാളികളുടെ സ്വന്തം ഇക്ക അനുവദിച്ചു. ദാദാസാഹിബ് എന്ന മമ്മൂട്ടി ചിത്രത്തിലെ ഹിറ്റ് ഡയലോഗാണ് ഹക്കീം മമ്മൂക്കയ്ക്ക് മുന്നിൽ അവതരിപ്പിച്ചത്. ഒരു ഷൂട്ടിംഗ് ലൊക്കേഷനിൽ വച്ചാണ് സംഭവം നടന്നത്. അടുത്ത് നിന്നവരെല്ലാം നിറഞ്ഞ കൈയടി നൽകിയാണ് ഹക്കീമിനെ മടക്കി അയച്ചത്. മമ്മൂട്ടിയുടെ അരികിൽ കിടന്ന കസേരയിൽ ഇരുന്നു പറയാൻ പറഞ്ഞുവെങ്കിലും ഹക്കീം നിന്ന് തന്നെ ഡയലോഗ് പറഞ്ഞു. ഈ വീഡിയോ സോഷ്യൽ മീഡിയയിൽ പ്രചരിച്ചിരിക്കുകയാണ്.
https://www.facebook.com/Malayalivartha