ചാക്കോച്ചന്റെയും പ്രിയയുടെയും ഇസഹാക്കിന്റെ വിശേഷങ്ങളാണ് ഓരോ ദിവസവും സോഷ്യല്‍ മീഡിയയില്‍ ചര്‍ച്ചയാവുന്നത്.

14 വര്‍ഷത്തെ കാത്തിരിപ്പിനു ശേഷമാണ് കുഞ്ചാക്കോ ബോബന്‍-പ്രിയ ദമ്പതികള്‍ക്ക് ആണ്‍കുഞ്ഞ് പിറന്നത്.

അടുത്തിടെയായിരുന്നു ഇസഹാക്ക് ബോബന്‍ കുഞ്ചാക്കോ എന്ന് പേരിട്ടിരിക്കുന്ന കുഞ്ഞിന്റെ മാമ്മോദീസാ ചടങ്ങ്. ചടങ്ങിലും വന്‍ താരസാന്നിധ്യം ഉണ്ടായിരുന്നു.

ഇസഹാക്കിനെ കാണാന്‍ നടന്‍ ജയസൂര്യ കുടുംബസമ്മേതം എത്തിയ വാര്‍ത്ത പ്രിയ ഫെയ്സ്ബുക്കിലൂടെ പങ്കുവെച്ചിരിക്കുകയാണ്.

ജയസൂര്യയ്ക്കും ഭാര്യ സരിതയ്ക്കുമൊപ്പം ഇസഹാക്കിനെ കാണാന്‍ രണ്ടു മക്കളും ഉണ്ടായിരുന്നു.

ഇസഹാക്കിനെ നടുവില്‍ കിടത്തി, അതിനു ചുറ്റും ജയസൂര്യയും കുടുംബവും പ്രിയയോടൊപ്പമാണ് ചിത്രത്തിനു പോസ് ചെയ്തിരിക്കുന്നത്.