സുഹൃത്തിന് വിവാഹാശംസ നേര്‍ന്ന് നടന്നാല്‍ മതിയോ എന്ന് ഭാമയോട് ചോദ്യം! ഭാമ മറുപടി പറഞ്ഞു, പക്ഷേ... !
ആരാധകര്‍ക്ക് തങ്ങളുടെ പ്രിയതാരങ്ങളുടെ വ്യക്തി ജീവിതത്തിലെ വിശേഷങ്ങളെക്കുറിച്ച് വരെ അറിയാന്‍ ജിജ്ഞാസയാണ്.
സോഷ്യല്‍ മീഡിയയില്‍ സജീവമായ താരങ്ങളെല്ലാം ഇത്തരത്തില്‍ വിശേഷങ്ങള്‍ ആരാധകരുമായി പങ്കുവയ്ക്കാറുമുണ്ട്. അടുത്തിടെയാണ് ഭാമയോട് ഒരു ആരാധകന്‍ ഇത്തരത്തിലുള്ള ഒരു ചോദ്യം ചോദിച്ചത്.
ഒരു സുഹൃത്തിന് വിവാഹാശംസ നേര്‍ന്നെത്തിയ ഭാമയോട് ആരാധകരിലൊരാള്‍ ചോദിച്ചു, ഇങ്ങനെ ആശംസ അറിയിച്ച് നടന്നാല്‍ മതിയോ, ഞങ്ങള്‍ക്ക് അഭിനന്ദനം പറയാന്‍ ഒരു അവസരമുണ്ടാവുമോയെന്നായിരുന്നു! ഇതിനിടെ താന്‍ കെട്ടിക്കോളാമെന്ന് വരെ കമന്റിട്ടുകളഞ്ഞു മറ്റൊരാരാധകന്‍.
താരം അവരെ ആരേയും നിരാശരാക്കിയില്ല. അവര്‍ക്ക് മറുപടിയായി ഇങ്ങനെ കുറിച്ചു. 2ബിഎസിഒഎംഡി2! ഇംഗ്ലീഷിലുള്ള മറുപടിയോടൊപ്പം വിങ്കിംഗ് സ്‌മൈലിയുമുണ്ടായിരുന്നു. എന്താണ് ഇതെന്നറിയാതെ അമ്പരന്നിരിക്കുകയാണ് ആരാധകര്‍. അതേക്കുറിച്ച് ചോദിച്ചപ്പോള്‍ താരം പ്രതികരിച്ചില്ല.
ഭാമയുടെ കോഡിന് പിന്നിലെ രഹസ്യത്തെക്കുറിച്ചുള്ള ചര്‍ച്ചകളും നടക്കുന്നുണ്ട്. ഈ കോഡ് എന്താണെന്നാണ് പലരും ചോദിക്കുന്നത്. കേവലമൊരു മറുപടിക്ക് പുറമേ എന്തൊക്കെയോ കാര്യങ്ങള്‍ ഈ മറുപടിയില്‍ ഒളിഞ്ഞിരിപ്പുണ്ടെന്നാണ് അഭ്യൂഹം.
https://www.facebook.com/Malayalivartha
