റിയാലിറ്റി ഷോയിൽ പരാജിതയായി; എന്നാൽ വർഷങ്ങൾക്കു ശേഷം അതേ വേദിയിൽ അതിഥിയായി എത്തി; ആ നടി ഇതാണ്
വിജയിക്കണം എന്ന ആഗ്രഹത്തോടെ റിയാലിറ്റി ഷോയിൽ പങ്കെടുത്തു. പക്ഷെ പകുതിയിൽ വച്ച് പരാജിതയായി മടങ്ങേണ്ടി വന്നു. എന്നാൽ അതേ ചാനലിൽ വർഷങ്ങൾക്കു ശേഷം അതിഥിയായി എത്തി. മറ്റാരുമല്ല ഒരു അടാർ ലവ് എന്ന സിനിമയിലൂടെ പ്രേക്ഷക ഹൃദയം കവർന്ന നൂറിനാണ്. അമൃത ടിവിയില് സംപ്രേക്ഷണം ചെയുന്ന കേരള ഡാന്സ് ലീഗില് നൂറിന് അതിഥിയായി എത്തിയതിന്റെയും അഡാര് ലൗവിലെ എടി പെണ്ണേ എന്ന ഗാനത്തിന് ഡാന്സ് മാസ്റ്റര് അനീഷിനൊപ്പം ചുവടുവെച്ചതിന്റെയും വീഡിയോ സോഷ്യല് മീഡിയയിൽ ഇതിനോടകം തന്നെ വൈറലായി കഴിഞ്ഞിരുന്നു. സൂപ്പര് ഡാന്സ് എന്ന പരിപാടിയിലായിരുന്നു നൂറിൻ മത്സരാർത്ഥിയായിരുന്നത്.
നൂറിൻ തന്നെ താൻ ഈ ചാനലിന്റെ പ്രൊഡക്ടാണ് എന്ന് പറഞ്ഞിരിന്നു. അത് അധികമാര്ക്കും അറിയില്ലെന്നും മുന്പ് ഇതേ ചാനലില് സംപ്രേക്ഷണം ചെയ്തിരുന്ന ഡാന്സ് പരിപാടിയായ സൂപ്പര് ഡാന്സില് താന് പങ്കെടുത്തിരുന്നതായും നൂറിൻ പറഞ്ഞു. എന്നാല് മല്സരത്തിൻറെ ആദ്യ എലിമിനേഷനിൽ താന് പുറത്തേക്ക് പോവുകയായിരുന്നുവെന്നും താരം പറഞ്ഞു. അന്ന് ഒത്തിരി സങ്കടം തോന്നി. എന്നാൽ വര്ഷങ്ങള്ക്ക് ശേഷം അതേ വേദിയില് അതിഥിയായി എത്താന് കഴിഞ്ഞതില് സന്തോഷമുണ്ടെന്നും നൂറിൻ പറഞ്ഞു. കൊല്ലം സ്വദേശിയായ നൂറിന് ഷെരീഫ് 2017ല് മിസ് കേരള ഫിറ്റ്നസ് പട്ടം സ്വന്തമാക്കിയ താരമാണ് . എന്നിരുന്നാലും ഒമര് ലുലു സംവിധാനം ചെയ്ത ഒരു അടാര് ലൗവിലൂടെയാണ് നൂറിൻ ശ്രദ്ധിക്കപ്പെട്ടു തുടങ്ങിയത്.
https://www.facebook.com/Malayalivartha
