കാരവന്‍ സംസ്‌കാരത്തെ എതിര്‍ത്തിരുന്ന സുരേഷ് കുമാറിനെ മകള്‍ കീര്‍ത്തിയെ ഉപയോഗിച്ച് മമ്മൂട്ടി ട്രോളി!
ചെറിയ കാലയളവിനുള്ളില്‍ തന്നെ സിനിമാരാംഗത്ത് തന്റേതായ വ്യക്തിമുദ്ര പതിപ്പിച്ചുകഴിഞ്ഞു നിര്‍മാതാവും നടനുമായ സുരേഷ് കുമാറിന്റേയും നടി മേനകയുടെയും മകളായ കീര്‍ത്തി. മഹാനടി എന്ന ചിത്രത്തിലെ അഭിനയത്തോടെ മികച്ച നടിക്കുള്ള ദേശീയ ചലച്ചിത്ര അവാര്‍ഡും കീര്‍ത്തി സ്വന്തമാക്കി.
അടുത്തിടെ കുടുംബവുമൊത്ത് മമ്മൂട്ടിയുടെ ചെന്നൈയിലെ വീട്ടില്‍ പോയപ്പോള്‍ കാരവന്‍ സംസ്‌കാരത്തോട് തനിക്കുള്ള എതിര്‍പ്പിനെ കുറിച്ച് അറിയാവുന്ന മമ്മൂട്ടി ഇതേപ്പറ്റി കീര്‍ത്തിയോടു പറഞ്ഞ കാര്യങ്ങള്‍ ഒരു അഭിമുഖത്തില്‍ വെളിപ്പെടുത്തിയിരിക്കുകയാണ് സുരേഷ് കുമാര്‍.
മമ്മൂക്ക കീര്‍ത്തിയെ കൂട്ടിക്കൊണ്ടുപോയി തന്റെ കാരവനൊക്ക കാണിച്ചിട്ട് പറഞ്ഞു, നീയും ഇതുപോലൊന്ന് വാങ്ങണം.പക്ഷേ നിന്റെ അച്ഛന്‍ സമ്മതിക്കില്ല. അവന്‍ ഇതിന് എതിരാണ്-സുരേഷ് കുമാര്‍ അഭിമുഖത്തില്‍ പറഞ്ഞു.
ഷൂട്ടിംഗ് സെറ്റില്‍ എല്ലാവരും ഒരു കുടുംബം പോലെ കഴിഞ്ഞിരുന്ന പഴയകാലത്തെ അനുഭവത്തിന്റെ പശ്ചാത്തലത്തിലാണ് താന്‍ കാരവന്‍ സംസ്‌കാരത്തെ എതിര്‍ത്തിരുന്നതെന്ന് സുരേഷ് കുമാര്‍ പറയുന്നു. പണ്ട് ഷൂട്ടിംഗ് ലൊക്കേഷനുകളില്‍ മരച്ചുവട്ടിലോ വീടിന്റെ വരാന്തയിലോ ഒന്നിച്ചിരുന്ന് സംസാരിക്കും. ചില നടന്മാര്‍ കാരവനില്‍ അഭയം തേടിയപ്പോള്‍ ആ സ്‌നേഹബന്ധം പോകുമല്ലോ എന്നോര്‍ത്താണ് താന്‍ അങ്ങനെ പറഞ്ഞതെന്ന് അദ്ദേഹം വ്യക്തമാക്കി.
പണ്ട് കാരവനെ എതിര്‍ത്ത താന്‍ ഇപ്പോള്‍ കാരവനില്‍ ഇരിക്കുന്നതു കാണുമ്പോള്‍ കൂട്ടുകാര്‍ കളിയാക്കാറുണ്ടെന്നും സുരേഷ് കുമാര്‍ പറഞ്ഞു.
https://www.facebook.com/Malayalivartha
