നസ്രിയ ആരാധകരെ ഞെട്ടിച്ചു ... പൊളിച്ചു ..തിമിർത്തു... തകർത്തു, ചുണ്ടിൽ എരിയുന്ന സിഗരറ്റുമായി താരത്തിന്റെ ട്രാൻസ് ലുക്ക് !
ട്രാൻസ് എന്ന സിനിമയ്ക്കായി പ്രേക്ഷകർ കട്ടവൈറ്റിംഗിൽ ആണ് . ഇക്കുറി ആരാധകരെ ശരിക്കും ഞെട്ടിച്ചു കൊണ്ട് സിനിമയിൽ നസ്രിയയുടെ ലുക്ക് വന്നിരിക്കുന്നു . ചുണ്ടിൽ എരിയുന്ന സിഗരറ്റുമായി സ്റ്റൈലിഷ് ഗെറ്റപ്പിലാണ് നടി എത്തുന്നത്. വിവാഹശേഷം നടി അഭിനയിക്കുന്ന രണ്ടാമത്തെ സിനിമ കൂടിയാണ് ട്രാൻസ്. അഞ്ജലി മേനോൻ സംവിധാനം ചെയ്ത കൂടെ എന്ന സിനിമയിലാണ് ഇതിന് മുമ്പ് നടി അഭിനയിച്ചത്. ഉസ്‌താദ്‌ ഹോട്ടലിന് ശേഷം അൻവർ റഷീദ് ഒരു ചെറിയ ഇടവേളയ്ക്ക് ശേഷം വീണ്ടും സംവിധായകൻറെ കുപ്പായം അണിയുന്നു എന്ന പ്രതേകയും ഉണ്ട് ട്രാൻസിന്.
ട്രാൻസിലൂടെ താങ്കളുടെ പ്രിയപ്പെട്ട ഫഹദിനെയും നസ്രിയയെയും വീണ്ടും വെള്ളിത്തിരയിൽ ഒരുമിച്ച് കാണാൻ ആകുമെന്ന ത്രില്ലിൽ ആണ് കാണികൾ . നേരത്തെ ട്രാൻസ് സിനിമയിലെ ഫഹദിന്റെ ലുക്കും പുറത്തുവിട്ടിരുന്നു. പാസ്റ്റർ ആയാണ് ഫഹദ് ചിത്രത്തിലെത്തുന്നു.ഫഹദ് അവതരിപ്പിക്കുന്ന കഥാപാത്രത്തിന്റെ വിവിധ ജീവിതഘട്ടങ്ങളിലൂടെയാണ് കഥ വികസിക്കുന്നത് . ഫഹദിനൊപ്പം വിനായകന്‍, ഗൗതം വാസുദേവ് മേനോന്‍, നസ്രിയാ നസിം, സൗബിന്‍ ഷാഹിര്‍, ശ്രീനാഥ് ഭാസി, ജോജു ജോർജ്, ധർമജൻ, അശ്വതി മേനോന്‍, ദിലീഷ് പോത്തൻ, വിനീത് വിശ്വൻ, ചെമ്പൻ വിനോദ്, അർജുൻ അശോകൻ, ശ്രിന്ദ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.
അമല്‍ നീരദ് ഛായാഗ്രഹണം നിർവഹിക്കുന്നു. ഹോളിവുഡ് ചിത്രങ്ങളിലും പരസ്യചിത്രങ്ങളിലുമൊക്കെയാണ് സാധാരണയായി ഉപയോഗിക്കുന്ന റോബോട്ടിക് കാമറയിലാണ് ചിത്രത്തിലെ പ്രധാനപ്പെട്ട ഒരു സംഘട്ടന രംഗം ചിത്രീകരിക്കുന്നത്. ഇതാദ്യമായാണ് മലയാളത്തിൽ റോബോട്ടിക് ക്യാമറ ഉപയോഗിക്കുന്നത്.വിന്‍സന്റ് വടക്കന്‍ തിരക്കഥ ഒരുക്കുന്ന ചിത്രത്തിന് ജാക്‌സണ്‍ വിജയന്‍ സംഗീതം നല്‍കുന്നു. റസൂല്‍ പൂക്കുട്ടിയാണ് സൗണ്ട് ഡിസൈന്‍. അന്‍വര്‍ റഷീദ് എന്റര്‍ടെയിന്‍മെന്‍സിന്റെ ബാനറില്‍ പുറത്തിറങ്ങുന്ന ചിത്രം ഡിസംബർ 20ന് തിയറ്ററുകളിലെത്തും.
https://www.facebook.com/Malayalivartha
