ബാലാശ്രമത്തിലെ കുട്ടികള്‍ക്കൊപ്പം മകളുടെ പിറന്നാള്‍ ദിനം ചെലവിടുന്ന ഗായിക അമൃത സുരേഷ് !
മക്കളുടെ ജന്മദിനം ഗംഭീരമായി ആഘോഷിക്കണമെന്ന് എല്ലാ മാതാപിതാക്കളും ആഗ്രഹിക്കാറുണ്ട്.
സാധാരണ കണ്ടുവരാറുള്ള പിറന്നാള്‍ ആഘോഷങ്ങളില്‍ നിന്ന് തീര്‍ത്തും വ്യത്യസ്തമായി മകളുടെ പിറന്നാള്‍ ആഘോഷിച്ചിരിക്കയാണ് ഗായിക അമൃത സുരേഷ്.
കഴിഞ്ഞ മാസമായിരുന്നു അമൃത സുരേഷിന്റെ മകള്‍ അവന്തികയുടെ ജന്മദിനം. ഇത്തവണ അമൃത സുരേഷും അനിയത്തി അഭിരാമിയും പിറന്നാള്‍ ആഘോഷിച്ചത് തൃപ്പുണിത്തറയിലുള്ള ശ്രീ പൂര്‍ണ്ണത്രയീശ ബാലാശ്രമത്തിലെ കുട്ടികള്‍ക്കൊപ്പമായിരുന്നു.
കൊച്ചി വണ്ടര്‍ ലാ അമ്യൂസ്‌മെന്റ് പാര്‍ക്കിലാണ് ഇവിടെത്തെ അന്തേവാസികളായ കുട്ടികളുമായി അമൃതം ഗമയ മ്യൂസിക് ബാന്‍ഡിന്റെ നേതൃത്വത്തില്‍ അവന്തികയുടെ പിറന്നാള്‍ ആഘോഷിച്ചത്. കുട്ടികള്‍ക്കും ഇത് പുതിയ അനുഭവമായി. ഒരു പകല്‍ മുഴുവന്‍ ശ്രീ പൂര്‍ണ്ണത്രയീശ ബാലാശ്രമത്തിലെ കുട്ടികള്‍ക്കൊപ്പം വണ്ടര്‍ ലാ അമ്യുസ്‌മെന്റ്‌റ് പാര്‍ക്കില്‍ ചെലവിട്ടതിനു ശേഷമാണ് അമൃത സുരേഷും സംഘവും മടങ്ങിയത്.
https://www.facebook.com/Malayalivartha
