കയ്യടി നേടി ,ജനഹൃദയം കീഴടക്കി ആന്ഡ്രോയ്ഡ് കുഞ്ഞപ്പന് ! ആന്ഡ്രോയ്ഡ് കുഞ്ഞപ്പന് വേര്ഷന് 5.25 പൊളിയാണ് !.
സൗബിനും സുരാജും പ്രധാന കഥാപാത്രത്തെ അവതരിപ്പിച്ച ചിത്രമാണ് ആന്ഡ്രോയ്ഡ് കുഞ്ഞപ്പന് വേര്ഷന് 5.25. സയന്സ് ഫിക്ഷന് ഡ്രാമ വിഭാഗത്തില്പ്പെട്ട ഈ ചിത്രത്തിന് ഗംഭീര വരവേല്പ്പാണ് പ്രേക്ഷകര് നല്കിയത്. മൂന്ഷോട്ട് എന്റര്ടൈന്മെന്റിന്റെ ബാനറില് സന്തോഷ് ടി കുരുവിള നിര്മിച്ചിരിക്കുന്ന ചിത്രത്തിന്റെ സംവിധാനം നവാഗതനായ രതീഷ് ബാലകൃഷ്ണന് പൊതുവാളാണ്.
എല്ലാത്തരം പ്രേക്ഷകരെയും ആകര്ഷിക്കുന്ന ചിത്രം സമീപകാലത്ത് ഏറ്റവുമധികം മൗത്ത് പബ്ലിസിറ്റി ലഭിക്കുന്ന ചിത്രം കൂടിയാണ്. ആദ്യദിനങ്ങളില് പ്രേക്ഷകര് കുറവായിരുന്നെങ്കില് ഈ വാരാന്ത്യത്തില് ഏറ്റവുമധികം കാണികളുള്ള മലയാളചിത്രം കൂടിയാണ് ആന്ഡ്രോയ്ഡ് കുഞ്ഞപ്പന്. ചിത്രത്തിന്റെ ഒരു സ്നീക്ക് പീക്ക് വീഡിയോ പുറത്തിറക്കിയിരിക്കുകയാണ് അണിയറക്കാര്. എന്തായാലും പ്രേക്ഷകർ ഇരുകൈയ്യും നീട്ടി സ്വീകരിച്ചു കഴിഞ്ഞു ഈ സിനിമയെ.
ബോളിവുഡ് സിനിമയില് സജീവമായിരുന്ന രതീഷിന്റെ മലയാളത്തിലെ ആദ്യത്തെ ചുവടുവെപ്പാണ് ആന്ഡ്രോയിഡ് കുഞ്ഞപ്പന് വേര്ഷന് 5.25. സാനു ജോണ് വര്ഗീസ് കാമറ കൈകാര്യം ചെയ്തിരിക്കുന്ന കുഞ്ഞപ്പന് വേര്ഷന് 5.25 ന്റെ എഡിറ്റിംഗ് സൈജു ശ്രീധരനും സംഗീതം ബിജി ബാലുമാണ്. സൈജു കുറുപ്പ്, മാല പാര്വതി, മേഘ മാത്യു എന്നിങ്ങനെ ഒരു വലിയ താര നിര തന്നെ ആന്ഡ്രോയിഡ് കുഞ്ഞപ്പനില് അണിനിരക്കുന്നുണ്ട്.
https://www.facebook.com/Malayalivartha
