ആരും നോക്കിനിൽക്കുന്ന സുന്ദരി മണവാട്ടിയായി ശ്രീലക്ഷ്മിയെ രഞ്ജു ഒരുക്കിയത് ഇങ്ങനെ.....!എൺപതുകളിലെ ബോളിവുഡ് സ്റ്റൈലിലുള്ള മേക്കപ്പിന്റെ കഥ ഇതാണ് ....
എൺപതുകളിലെ ബോളിവുഡ് സുന്ദരികളെ അനുസ്മരിപ്പിക്കുന്ന മേക്കപ്പും വസ്ത്രധാരണ രീതികളുമായിരുന്നു വിവാഹത്തിന് ജഗതി ശ്രീകുമാറിന്റെ പ്രിയപ്പെട്ട മകൾ ശ്രീലക്ഷ്മി അണിഞ്ഞത്. ഇതിന്റെ ഫുൾ ക്രെഡിറ്റും ശ്രീലക്ഷ്മിയെ അണിയിച്ചൊരുക്കിയ മേക്കപ്പ് ആർട്ടിസ്റ്റ് രഞ്ജുരഞ്ജിമാർക്കാണ്. കേവലമൊരു മേക്കപ്പ് ആർട്ടിസ്റ്റും സെലിബ്രിറ്റിയും തമ്മിലുള്ള ബന്ധമല്ല രഞ്ജുരഞ്ജിമാറിനും ശ്രീലക്ഷ്മിക്കും ഇടയിലുള്ളത്. മറ്റുള്ളവർ പറയുന്നത് പോലെയുള്ള യാതൊരു അഭിപ്രായങ്ങളോ നിർദേശങ്ങളോ ശ്രീലക്ഷ്മി പറഞ്ഞിരുന്നില്ല എന്നാണ് മേക്കപ്പ് ആർട്ടിസ്റ്റ് രഞ്ജുരഞ്ജിമാർ പറയുന്നത് . എനിക്ക് പൂർണ്ണസ്വാതന്ത്ര്യം തന്നു. ഒരു മൂക്കുത്തിവെയ്ക്കാൻ നേരം പോലും അത് ചേരുമോ വേണോ എന്നൊന്നും ചോദിച്ചില്ല. എന്നെ പൂർണ്ണമായി അവൾ വിശ്വസിച്ചു.
ശ്രീലക്ഷ്മിയുടെ കോസ്റ്റ്യൂമിന് ചേർന്ന മേക്കപ്പാണ് ചെയ്തത്. ഹെവികുന്ദൻ വർക്കിന്റെ മാലയാണ് അണിഞ്ഞത്. അതിൽ പച്ചനിറത്തിലുള്ള മാല ഒറിജിനൽ ജയ്പൂർ സ്റ്റോണുകളാണ്. ജയ്പൂരിൽ നിന്നും വരുത്തിച്ച് ചെയ്യുകയായിരുന്നു. ഏകദേശം രണ്ടരലക്ഷത്തോളം രൂപ വിലമതിക്കുന്നതാണ് ആ ഒറ്റ പീസ്. എൺപതുകളിലെ ബോളിവുഡ് സ്റ്റൈലിലുള്ള മേക്കപ്പാണ് ചെയ്തത്. സാധാരണ സ്മോക്കി ഐ മേക്കപ്പ് എല്ലാവർക്കും ഇണങ്ങില്ല. എന്നാൽ ശ്രീലക്ഷ്മിക്ക് അവ നന്നായി ഇണങ്ങി. മറ്റുള്ളവർ പറയുന്നത് പോലെയുള്ള യാതൊരു അഭിപ്രായങ്ങളോ നിർദേശങ്ങളോ ശ്രീലക്ഷ്മി പറഞ്ഞിരുന്നില്ല എന്നും രഞ്ജുരഞ്ജിമാർ ഓർക്കുന്നു.
https://www.facebook.com/Malayalivartha
