ട്രാന്സ്ജെന്ഡര് നടി അഞ്ജലി അമീറിന്റെ ജീവിതം ബിഗ്സ്ക്രീനിലേക്ക്...!
മമ്മൂട്ടി നായകനായ പേരന്പിലെ ട്രാന്സ്ജെന്ഡര് നായിക അഞ്ജലി അമീറിന്റെ ജീവിതം സിനിമയാകുന്നു. തന്റെ തന്നെ ജീവിത കഥ പറയുന്ന സിനിമയുടെ നായികയാകാന് അവസരമൊരുങ്ങുന്നതിന്റെ ത്രില്ലിലാണ് അഞ്ജലി. ഒരേ സമയം മലയാളത്തിലും തമിഴിലും പുറത്തിറങ്ങുന്ന ചിത്രം സംവിധാനം ചെയ്യുന്നത് ഡൈനി ജോര്ജ് ആണ്. ഗോള്ഡന് ട്രബറ്റ് എന്റര്ടെയിന്മെന്റിന്റെ ബാനറില് അനില് നമ്പ്യാര് ചിത്രത്തിന്റെ നിര്മാണം നിര്വഹിക്കുന്ന ചിത്രത്തിന്റെ തിരക്കഥ കെ.അജിത് കുമാറിന്റേതാണ്. കോഴിക്കോട്, പൊള്ളാച്ചി, ബെംഗളൂരു എന്നിവിടങ്ങളിലാണ് സിനിമയുടെ ചിത്രീകരണം നടക്കുക. മലയാളത്തിസും തമിഴിലുമുള്ള നിരവധി പ്രമുഖരും ചിത്രത്തിന്റെ ഭാഗമാകും.
ചിത്രത്തിന്റെ ഔദ്യോഗിക പ്രഖ്യാപനം കോഴിക്കോട് പ്രസ്ക്ലബ്ബില് വെച്ച് നടന്നു. ഒരു ട്രാന്സ് ജെന്ഡറിന്റെ ജീവിതം, അവര് മാനസികമായും ശാരീരകമായും അനുഭവിക്കേണ്ടി വരുന്ന കാര്യങ്ങളൊക്കെ ആഴത്തില് ചര്ച്ച ചെയുന്നതായിരിക്കും സിനിമയെന്ന് വാര്ത്താ സമ്മേളനത്തില് അഞ്ജലി അമീര് പറഞ്ഞു.ചിത്രം അടുത്ത വര്ഷം മെയില് ആരംഭിക്കും.
https://www.facebook.com/Malayalivartha