ഷൈന്‍ നിഗം നായകനായ സാജിദ് യഹിയ ചിത്രം ഖല്‍ബ് എത്തുന്നു ....!
ഇടി, മോഹന്‍ലാല്‍ എന്നീ സിനിമകള്‍ക്കു ശേഷം സാജിദ് യഹിയ സംവിധാനം ചെയ്യുന്ന ഏറ്റവും പുതിയ ചിത്രമാണ് ഖല്‍ബ്. ഷെയ്ന്‍ നിഗം നായകനാകുന്ന ചിത്രത്തിന്റെ ഫസ്റ്റ്‌ലുക്ക് പോസ്റ്റര്‍ പുറത്തെത്തിയിരിക്കുകയാണ്. സാജിദും സുഹൈല്‍ കോയയും ചേര്‍ന്നാണ് ചിത്രത്തിന്റെ തിരക്കഥ രചിച്ചിരിക്കുന്നത്. സുദീപ് ഇളമണ്‍ ആണ് ഖല്‍ബിന്റെ ഛായാഗ്രഹണം നിർവഹിച്ചത്. സന്ധ്യാ സമയത്തെ കടല്‍ക്കരയുടെ ഭംഗിയെ അതേപടി ഒപ്പിയെടുത്ത് ഡിസൈന്‍ ചെയ്തിരിക്കുന്ന പോസ്റ്ററില്‍ ഷെയ്ന്‍ തന്നെയാണ് പ്രത്യക്ഷപ്പെടുന്നത്.
നടന്‍മാരായ ടൊവിനോ തോമസ്, കുഞ്ചാക്കോ ബോബന്‍ എന്നിവരുടെ ഫേസ്ബുക്ക് പേജിലൂടെ പോസ്റ്റര്‍ റിലീസ് ചെയ്തിട്ടുണ്ട്. 'നിന്നില്‍ തുടങ്ങി നിന്നില്‍ ഒടുങ്ങാന്‍ ഒരുങ്ങുന്ന എന്റെ ഖല്‍ബിന്റെ മിടിപ്പുകള്‍' എന്ന വരികളും പോസ്റ്ററിലുണ്ട്. ചിത്രത്തില്‍ സിദ്ധീഖ്, സൈജു കുറുപ്പ്, മുത്തുമണി, പതിനെട്ടാം പടി ഫെയിം അംമ്പി നീനാസം, ബിനീഷ് കോടിയേരി എന്നിവരും പ്രധാനവേഷങ്ങള്‍ കൈകാര്യം ചെയ്യുന്നു. ഗാനങ്ങള്‍ക്ക് ഏറെ പ്രാധാന്യമുള്ള ചിത്രത്തില്‍ പ്രകാശ് അലകസ്, വിമല്‍ നാസര്‍, റെനീഷ് ബഷീര്‍, നിഹാല്‍ എന്നിങ്ങനെ നാല് പേര്‍ ചേര്‍ന്നാണ് സംഗീതസംവിധാനം. പ്രണയത്തിനൊപ്പം ആക്ഷനും പ്രാധാന്യം നല്‍കി ഒരുക്കുന്ന സിനിമ ചെറിയ പെരുന്നാളിന് പ്രദര്‍ശനത്തിനെത്തും.
https://www.facebook.com/Malayalivartha
