പൃഥ്വിയുടെ അല്ലിമോൾ പിയാനോ വായിക്കുന്ന ക്യൂട്ട് വീഡിയോ ഏറ്റെടുത്ത് ആരാധകർ ...!
'മമ്മാസ് ബേബി' എന്ന തലക്കെട്ടോടെ സുപ്രിയ ഇൻസ്റ്റഗ്രാമിൽ പങ്കുവെച്ച വിഡിയോ പ്രേക്ഷകർ ഇരുകൈയ്യും നീട്ടി സ്വീകരിച്ചിരിക്കുകയാണ്. പിങ്ക് നിറത്തിലുള്ള ഉടുപ്പ് ഇട്ടിരിക്കുന്ന അല്ലിയുടെ പിൻവശത്തു നിന്നാണ് വിഡിയോ എടുത്തിരിക്കുന്നത്. അതിനാൽ തന്നെ അല്ലിമോളുടെ മുഖം വ്യക്തമല്ല. പൃഥ്വിയും സുപ്രിയയും തങ്ങളുടെ മകളുടെ ചിത്രം ആരാധകർക്കായി അധികം പങ്കുവെയ്ക്കാറില്ല എന്ന പരിഭവം ആരാധകർ പലകുറി പറഞ്ഞിരുന്നു. എന്നാൽ ഇപ്പോൾ പങ്കുവെച്ചിരിക്കുന്ന വിഡിയോയിലും അല്ലിമോളുടെ മുഖം പ്രേക്ഷകർക്ക് കാണാൻ സാധിക്കില്ല. അതേസമയം കുഞ്ഞിവിരലുകൾ ചലിപ്പിച്ച് വളരെ ആസ്വദിച്ച് പാട്ടും പാടി പിയാനോ വായിക്കുന്ന അല്ലിമോളെ ഹൃദയത്തിലേറ്റിരിക്കുകയാണ് ആരാധകർ. ചുറ്റുമുള്ളതൊന്നും തന്നെ ശ്രദ്ധിക്കാതെ അതിൽ മുഴുകിയിരിക്കുന്ന താരപുത്രിയുടെ വിഡിയോ ഇതിനോടകം തന്നെ സമൂഹമാധ്യമങ്ങളിൽ വൈറൽ ആയിക്കഴിഞ്ഞു. വിഡിയോയ്ക്ക് ചുവടെ ക്യൂട്ടാണെന്നാണ് ആരാധകരുടെ പ്രതികരണം.
https://www.facebook.com/Malayalivartha