മരട് ഫ്ളാറ്റ് വിഷയം സിനിമയാകുന്നു, 'മരട് 357' സംവിധാനം കണ്ണന് താമരക്കുളം !
കേരളത്തില് ഒത്തിരിയേറെ വാർത്ത പ്രാധാന്യം ലഭിച്ച മരട് ഫളാറ്റ് വിഷയം സിനിമയാകുന്നു. ‘മരട് 357’ എന്ന് പേരിട്ടിരിക്കുന്ന ചിത്രം സംവിധാനം ചെയ്യുന്നത് കണ്ണന് താമരക്കുളം ആണ്. അബാം മൂവീസിന്റെ ബാനറില് അബ്രഹാം മാത്യു നിര്മിക്കുന്ന ചിത്രത്തില് ആരൊക്കെയാണ് പ്രധാനകഥാപാത്രങ്ങളെ അവതരിപ്പിക്കുന്നതെന്ന് അണിയറപ്രവര്ത്തകര് പുറത്തുവിട്ടിട്ടില്ല. ദിനേശ് പള്ളത്താണ് ചിത്രത്തിന്റെ തിരക്കഥ ഒരുക്കുന്നത് എന്നാണ് പുറത്ത് വരുന്ന റിപോർട്ടുകൾ സൂചിപ്പിക്കുന്നത് . നേരത്തെ പട്ടാഭിരാമന് വേണ്ടിയും മൂവരും ഒന്നിച്ചിരുന്നു. ബില്ഡിങ് മാഫിയയുടെയും ഇതിനൊക്കെ ഒത്താശ ചെയ്തുകൊടുക്കുന്ന സര്ക്കാര് ഉദ്യോഗസ്ഥരുടെയും കഥയാണ് ഈ ചിത്രത്തിലൂടെ പറയുന്നത്. മരട് ഫ്ലാറ്റിന് എങ്ങനെ നിര്മാണാവകാശം കിട്ടി. അതില് നടന്ന ചതിയുടെ അറിയാക്കഥ ചിത്രത്തിലൂടെ പറയും. കൂടാതെ ഒന്നുമറിയാതെ ജീവിതം നഷ്ടപ്പെട്ട ഫ്ലാറ്റ് ഉടമകളുടെ ജീവിതം കൂടി ഞങ്ങളിതിലൂടെ പറയാന് ശ്രമിക്കുന്നു.’ എന്നാണ് ചിത്രത്തിനെ കുറിച്ച് കണ്ണന് താമരക്കുളം പറഞ്ഞത്.
https://www.facebook.com/Malayalivartha