വിമര്ശിച്ച പ്രേക്ഷകനെ അസഭ്യം പറയുന്ന ഓഡിയോ ഷെയ്ന് നിഗം തന്നെ പുറത്തുവിട്ടു
സമൂഹമാധ്യമങ്ങളിലൂടെ തന്നെ വിമര്ശിച്ച പ്രേക്ഷകനെ നടന് ഷെയ്ന് നിഗം അസഭ്യം പറയുന്ന ഓഡിയോ സന്ദേശം ഷെയ്ന് തന്നെ തന്റെ ഇന്സ്റ്റഗ്രാം പേജിലൂടെ പങ്കുവച്ചു. ഓലപ്പാമ്പിനെ കാണിച്ച് പേടിപ്പിക്കല്ലേ മക്കളെ എന്ന അടിക്കുറിപ്പോടെയാണ് ഈ ഓഡിയോ സന്ദേശം താരം പോസ്റ്റ് ചെയ്തത്.
നിരവധി ആളുകള് ഈ വിഷയത്തില് പ്രതികരണവുമായി എത്തി. പ്രശ്നങ്ങള് പരിഹരിച്ച് അടിപൊളിയായി സൂപ്പര് ചിത്രങ്ങള് ചെയ്യൂ, എന്നായിരുന്നു നടന് ആന്റണി വര്ഗീസിന്റെ പ്രതികരണം. നിരവധി പേര് ഈ സംഭവത്തില് ഷെയ്ന് പിന്തുണയുമായി വന്നു.
ഷെയ്നും ഒരു പച്ച മനുഷ്യനാണെന്നും സ്വകാര്യതയില് കയറാന് ആര്ക്കും അവകാശമില്ലെന്നും ആരാധകര് പറയുന്നു. എന്നാല് ഇത്തരം മോശം ഭാഷ കൊണ്ടല്ല ഇതിനു മറുപടി നല്കേണ്ടതെന്നും ഷെയ്നിന്റെ പ്രവര്ത്തി പരിതാപകരമാണെന്നും ചില വിമര്ശകര് ചൂണ്ടിക്കാട്ടുന്നു.
വെയില് സിനിമയുമായി ബന്ധപ്പെട്ട് ഷെയ്നിന്റെ ചില നിലപാടുകള് ആണ് വിവാദങ്ങള്ക്കു തുടക്കം കുറിച്ചത്. സിനിമയില് നിന്നും താന് ഇറങ്ങിപ്പോകേണ്ടി വന്ന സാഹചര്യത്തെക്കുറിച്ച് ഇന്സ്റ്റഗ്രാം പേജില് കുറിപ്പ് പങ്കുവച്ചിരുന്നു. ഇതുമായി ബന്ധപ്പെട്ട് പ്രേക്ഷകര് നല്കിയ പ്രതികരണങ്ങള്ക്ക് താരം മോശം കമന്റുകള് നല്കുകയുണ്ടായി. ഇതാണ് വിവാദങ്ങള്ക്ക് കാരണമായത്.
https://www.facebook.com/Malayalivartha