ഇന്ത്യയിലെ പ്രമുഖ താരങ്ങള്‍ പങ്കെടുത്ത, ഫിലിം കംപാനിയന് നല്‍കിയ അഭിമുഖത്തിനിടെ ദീപിക ആലിയയുടെ വിവാഹത്തെക്കുറിച്ച് പരാമര്‍ശിച്ചത് ഏവരുടെയും ശ്രദ്ധയാകർഷിക്കുകയാണ്. ഇന്ത്യന്‍ സിനിമയിലെ ഏത് അഭിനേതാക്കളില്‍നിന്നാണ് ഉപദേശം സ്വീകരിക്കാന്‍ ആഗ്രഹിക്കുന്നതെന്ന് വിജയ് ദേവരക്കൊണ്ടയോട് ചോദ്യമുയര്‍ന്നു. ആ ഒരു സന്ദർഭത്തിൽ ഈ കൂട്ടത്തിലിരിക്കുന്ന പലരോടും തനിക്ക് പ്രണയം തോന്നിയിട്ടുണ്ടെന്നും അവരില്‍ ചിലര്‍ ദീപികയും ആലിയയുമാണെന്നും വിജയ് മറുപടി നല്‍കി.

ദീപിക വിവഹം ചെയ്തെങ്കിലും എന്ന് പറഞ്ഞ് അദ്ദേഹം നിര്‍ത്തിയപ്പോഴാണ് ദീപിക ആലിയയും വിവാഹം ചെയ്യാന്‍ പോകുകയാണെന്ന് പറഞ്ഞത്. അതേസമയം ആലിയ മറുപടിയുമായി രംഗത്ത് എത്തുകയും ചെയ്തു ''എങ്ങനെയാണ് നിങ്ങള്‍ക്ക് ഇങ്ങനെയൊരു പ്രഖ്യാപനം നടത്താനാവുക എന്നാണ് ആലിയ ചോദിച്ചത്. ദീപിക തമാശയ്ക്ക് പറഞ്ഞ വാക്കുകളാണ് ഇപ്പോള്‍ ആലിയ റണ്‍വീര്‍ ആരാധകര്‍ ആഘോഷമാക്കുന്നത്. നേരത്തേ ആലിയയുടെയും റണ്‍ബീറിന്‍റെയും വിവാഹത്തിന്‍റെ ക്ഷണക്കത്തെന്ന പേരില്‍ ഒരു വ്യാജകത്ത് ഇറങ്ങിയതും ആരാധകർ ഏറ്റെടുത്തിരുന്നു.