ചരിത്രം രചിച്ച് മറിയം വന്ന് വിളക്കൂതിയിലൂടെ മലയാളത്തിലെ ആദ്യ ശബ്ദരേഖ ടീസര്....! സംഭവം പൊളിയാണ് കേട്ടോ.....!
മറിയം വന്ന് വിളക്കൂതി ചിത്രത്തിലെ ശബ്ദരേഖ ടീസര് റിലീസ് ചെയ്തു . ടീസറിന്റെ റിലീസിന് പിന്നാലെ ചിത്രത്തിന്റെ നിർമാതാവ് അദ്ദേഹത്തിന്റെ ഫേസ്ബുക്ക് പേജിൽ ഇങ്ങനെ കുറിച്ചു ...' നൊസ്റ്റാൾജിയ ഉണരട്ടെ ...രാത്രികളിൽ കാത്തിരുന്ന് ശബ്ദരേഖ കേട്ടത് ഓർമ്മ വരട്ടെ . രാത്രിയും റേഡിയോയും ഉള്ളിൽ നിറയട്ടെ ....അതിനാൽ മറിയം വന്ന് വിളക്കൂതി അവതരിപ്പിക്കുന്നു ..മലയാളത്തിലെ ആദ്യശബ്ദരേഖ ടീസർ '
അക്ഷരംപ്രതി ശരിയായ വാക്കുകൾ ശ്രോതാക്കൾ ഏറെ കാത്തിരുന്ന ഗാനങ്ങൾ ആകാശവാണിയിലൂടെയും മറ്റും കേട്ടിരുന്ന ഒരു കാലഘട്ടം , ആ കാലഘട്ടത്തിലേക്ക് ഒരു കൂട്ടികൊണ്ട് പോക്കൽ. കാണികളെ അത്തരത്തിൽ തീയ്യറ്ററുകളിലേയ്ക്ക് വിളിച്ചുവരുത്താനുള്ള സൈക്കോളജിക്കൽ മൂവ്. എന്തായാലും മറിയം വന്ന് വിളക്കൂതി എന്ന ചിത്രത്തിലെ അണിയറപ്രവർത്തകർ അക്കാര്യത്തിൽ വിജയിച്ചു എന്ന് തന്നെ പറയാം. സിനിമ റിലീസിന് മുൻപ് അത്രത്തോളം ജനശ്രദ്ധയാകർഷിച്ചു കഴിഞ്ഞു.
എഴുത്തുകാരനും മാധ്യമപ്രവര്ത്തകനുമായ ജെനിത് കാച്ചപ്പിള്ളി എഴുതി സംവിധാനം ചെയ്യുന്ന ചിത്രമാണ് മറിയം വന്ന് വിളക്കൂതി. ഒറ്റ രാത്രിയിലെ തുടര്ച്ചയായ 3 മണിക്കൂറിന്റെ കഥ പറയുന്ന ഒരു കോമഡി ത്രില്ലര് ചിത്രമാണിത്. നാല് സുഹൃത്തുക്കളുടെ കഥയാണ് ചിത്രം പറയുന്നത്. മന്ദാകിനി എന്നായിരുന്നു ചിത്രത്തിന്റെ ആദ്യ പേര്. പ്രേമം ചിത്രത്തിലൂടെ പരിചിതനായ സിജു വിത്സണ്, കൃഷ്ണ ശങ്കര്, ശബരീഷ്, അല്ത്താഫ്, ഷിയാസ് എന്നിവര് പ്രധാന വേഷത്തില് എത്തുന്ന ചിത്രത്തിന്റെ സംഗീത സംവിധായകന് പ്രശാന്ത് പിള്ള ആണ്. സിനോജ് പി അയ്യപ്പന് ആണ് ചിത്രത്തിന്റെ ഛായാഗ്രാഹകന്.
എ ആര് കെ മീഡിയ ബാനറില് രാജേഷ് അഗസ്റ്റിന് ആണ് മറിയം വന്ന് വിളക്കൂതി നിര്മിക്കുന്നത്. മലയാള സിനിമയില് സര്പ്രൈസ് ഹിറ്റായ ഇതിഹാസയുടെ പ്രൊഡക്ഷൻ ഹൗസാണ് എആര്കെ. സിജു വിൽസണ്, കൃഷ്ണ ശങ്കർ, ശബരീഷ് വർമ്മ, അൽത്താഫ്, എന്നിവരോടൊപ്പം സേതുലക്ഷ്മി, സംവിധായകൻ ബേസിൽ ജോസഫ്, സംവിധായകൻ സിദ്ധാർഥ് ശിവ, ബൈജു, ബൈജു എന്നിവരാണ് ചിത്രത്തിലെ മറ്റ് താരങ്ങള്.
https://www.facebook.com/Malayalivartha
