നമ്മള് എന്ന കമല് ചിത്രത്തിലെ നായിക ആയി എത്തിയ രേണുക മേനോന്റെ അമേരിക്കന് വിശേഷങ്ങള്
നമ്മള് എന്ന കമല് ചിത്രത്തിലൂടെ ശ്രദ്ധേയയായ താരമായ രേണുക മേനോന്, പിന്നീട് മലയാളം, തമിഴ്, തെലുങ്ക്, കന്നഡ എന്നീ ഭാഷകളിലായി നിരവധി ചിത്രങ്ങളില് അഭിനയിച്ചു. സുരേഷ് ഗോപി നായകനായി 2006-ല് പുറത്തിറങ്ങിയ പതാക എന്ന ചിത്രമാണ് ഏറ്റവും ഒടുവിലായി രേണുകയുടേതായി പുറത്തിറങ്ങിയത്.
വിവാഹിതയായി അമേരിക്കയിലേക്കു പോയ രേണുക പിന്നീട് അഭിനയരംഗത്തേക്ക് തിരിച്ചെത്തിയില്ല. ഇപ്പോള് കലിഫോര്ണിയയില് രേണുക ഒരു ഡാന്സ് സ്കൂള് നടത്തുകയാണ്. ഒരു മാധ്യമത്തിനു നല്കിയ അഭിമുഖത്തില് രേണുക തന്റെ പുതിയ വിശേഷങ്ങള് പങ്കു വച്ചു.
നൃത്തം വളരെ ഇഷ്ടമായതുകൊണ്ട് അമേരിക്കയില് ഒരു ഡാന്സ് സ്കൂള് നടത്തുന്നുണ്ടെന്നും എന്നാല് തന്റെ ഡാന്സ് സ്കൂള് ഒരു വമ്പന് സംരംഭം ഒന്നുമല്ലെന്നും രേണുക പറയുന്നു. തന്റെ താമസസ്ഥലത്ത് ഇന്ത്യക്കാര് ധാരാളമുള്ളതിനാല് അതുകൊണ്ടുതന്നെ എല്ലാ ഭാരതീയ ആഘോഷങ്ങളും നടത്താറുണ്ടെന്നും രേണുക പറയുന്നു.
അമേരിക്കയില് മേക്കപ്പ് സര്ട്ടിഫിക്കറ്റ് കോഴ്സ് പാസായിട്ടുള്ളതിനാല് പല പ്രോഗ്രാമുകള്ക്കും സുഹൃത്തുക്കള്ക്ക് മേക്കപ്പ് ചെയ്ത് കൊടുക്കുന്നത് താനാണെന്നും രേണുക പറഞ്ഞു. തിരുവനന്തപുരം സ്വദേശിയായ സൂരജ് ആണ് രേണുകയുടെ ഭര്ത്താവ്. രണ്ട് പെണ്മക്കളുണ്ട്.
https://www.facebook.com/Malayalivartha