വിവാദങ്ങളിലൂടെ വാർത്തകളിൽ എപ്പോഴും നിറഞ്ഞു നിൽക്കുന്ന താരമാണ് പാർവതി തിരുവോത്ത്. തന്റെ നിലപാടുകൾ തുറന്നു പ്രകടിപ്പിക്കൻ താരം മടിക്കാറില്. അതുകൊണ്ടു തന്നെ വിവാദങ്ങളിൽ പെടുന്നത് നടിക്ക് പതിവാണ്. പൗരത്വ നിയമ ഭേദഗതിക്കെതിരെ താരം ശക്തമായി തന്നെ പ്രതികരിച്ചിരുന്നു. അതുകൊണ്ടു തന്നെ ഒട്ടേറെ കടുത്ത വിമർശനങ്ങൾ സാമൂഹ്യ മാധ്യമങ്ങളിൽ നടിക്ക് നേരിടേണ്ടി വന്നിട്ടുണ്ട്. ഇപ്പോൾ തന്റെ പുതിയ ചിത്രമായ രാച്ചിയമ്മയുടെ പേരിലാണ് താരം വിവാദങ്ങളിൽ പെട്ടിരിക്കുന്നത്. പ്രശസ്ത എഴുത്തുകാരന്‍ ഉറൂബിന്റെ രാച്ചിയമ്മ എന്ന ചെറുകഥ ആസ്പദമാക്കിയാണ് സിനിമ ഒരുക്കുന്നത്. പാര്‍വതിക്കൊപ്പം ആസിഫ് അലിയും പ്രധാന വേഷത്തില്‍ എത്തുന്ന ചിത്രത്തിന്റെ അവസാന ഘട്ട ജോലികള്‍ പുരോഗമിക്കുകയാണ്.

പാർവതി തിരുവോത്ത് കേന്ദ്രകഥാപാത്രമായി എത്തുന്ന ചിത്രം രാച്ചിയമ്മയ്‌ക്കെതിരെ നിരവധി വിർമശനങ്ങളാണ് ഉയർന്നുവന്നത് . നോവലിൽ വായിച്ച രാച്ചിയമ്മയുടേതല്ല പാർവതിയുടെ ലുക്കെന്നും,​ കറുത്തമ്മയെ വെളുത്തമ്മയാക്കുകയാണ് മലയാള സിനിമയെന്നുമൊക്കെ പലരും പറഞ്ഞു. അധ്യാപികയും എഴുത്തുകാരിയുമായ ദീപ നിഷാന്ത്, അഡ്വക്കേറ്റ് കുക്കു ദേവകി എന്നിവരാണ് ചിത്രത്തിലെ പാർവതിയുടെ കാസ്റ്റിംഗിനെതിരെ രംഗത്ത് വന്ന പ്രമുഖർ. ഇത്തരം വിവാദ പ്രസ്താവനകൾക്ക് മറുപടിയുമായി എത്തിയിരിക്കുകയാണ് പാർവ്വതി ഇപ്പോൾ . രാച്ചിയമ്മ യഥാർത്ഥത്തിൽ ജീവിച്ചിരുന്ന ഒരു സ്ത്രീ ആയിരുന്നെങ്കിൽ താൻ അഭിനയിക്കില്ലായിരുന്നു. എന്നാൽ രാച്ചിയമ്മ ഒരു ഫിക്ഷൻ കഥാപാത്രമാണ്. അതുകൊണ്ടാണ് താൻ ഈ വേഷം ഏറ്റെടുതത് എന്നാണ് വിവാദങ്ങൾക്ക് മറുപടിയായി പാർവതി പ്രതികരിച്ചത് . കോഴിക്കോട് നടന്ന 'വാച്ച് ഔട്ട് അഖില ഭാരതീയ ആന്റി നാസി' ചലച്ചിത്ര മേളയിലാണ് പാർവ്വതി ഇക്കാര്യം വെളിപ്പടുത്തിയത്. കറുത്ത രാച്ചിയമ്മയായി വെളുത്ത പാർവ്വതി എങ്ങനെ അഭിനയിക്കും എന്ന ചോദ്യത്തിനുള്ള ഉത്തരമാണ് താരത്തിന്റെ മറുപടി. കൂടുതൽ ചർച്ചകൾ സിനിമ ഇറങ്ങിയ ശേഷം ആകാമെന്നും പാർവ്വതി പറഞ്ഞു.

സിനിമയ്ക്ക് വേണ്ടി അമ്പരപ്പിക്കുന്ന മേക്കോവറിലാണ് പാര്‍വതി എത്തുന്നത്. മുന്നറിയിപ്പ്, കാര്‍ബണ്‍ തുടങ്ങിയ ചിത്രങ്ങള്‍ക്ക് ശേഷം ഛായാഗ്രാഹകനും സംവിധായകനുമായ വേണുവാണ് ചിത്രമൊരുക്കുന്നത്. സംവിധായകന്‍ തന്നെയാണ് ചിത്രത്തിന്റെ തിരക്കഥയും രചിച്ചത് . പീരുമേടാണ് സിനിമയുടെ പ്രധാന ലൊക്കേഷന്‍. നാല് സംവിധായകര്‍ ചേര്‍ന്നൊരുക്കുന്ന ആന്തോളജിയില്‍പ്പെട്ട സിനിമയാണ് രാച്ചിയമ്മ. ആഷിക്ക് അബു,രാജീവ് രവി. ജയ് കെ തുടങ്ങിയവരാണ് മറ്റ് സിനിമൾ ഒരുക്കുന്നത് . പെണ്ണും ചെറുക്കനും എന്നാണ് ആഷിക്ക് അബു സംവിധാനം ചെയ്യുന്ന ചിത്രത്തിന്റെ പേര്. റോഷന്‍ മാത്യുവും ദര്‍ശന രാജേന്ദ്രനുമാണ് പ്രധാന വേഷങ്ങളില്‍ എത്തുന്നത്. ജയ് കെ സംവിധാനം ചെയ്യുന്ന സിനിമയില്‍ ജോജു ജോര്‍ജ്ജ്, സംയുക്ത മേനോന്‍ തുടങ്ങിയവരും പ്രധാന വേഷങ്ങളില്‍ അഭിനയിക്കുന്നു.