സംവിധായകന്‍ ആഷിഖ് അബു എന്നും വാര്‍ത്തകളില്‍ നിറഞ്ഞ് നില്‍ക്കുന്ന വ്യക്തിയാണ്. ആഷിക്കിന്റെ എല്ലാ വാര്‍ത്തകളും ചൂടോടെയാണ് സോഷ്യല്‍ മീഡിയ ചര്‍ച്ച ചെയ്യുന്നത്. ആഷിക്കിനെ കൊക്കെയ്ന്‍ കേസില്‍ ഉള്‍പ്പെടുത്തിയത് വലിയ വിവാദം തന്നെയുണ്ടായി. നവസിനിമാക്കാരെല്ലാം കഞ്ചാവിനും മയക്കുമരുന്നിനും ഒക്കെ അടിമകളാണെന്ന് ഒരു ആരോപണം നിലവിലുണ്ട്. അതിനെ പിന്തുണച്ചും എതിര്‍ത്തും ഒട്ടേറെ പേര്‍ രംഗത്ത് വരികയും ചെയ്തിട്ടുണ്ട്.
എന്നാലിപ്പോള്‍ പറയാന്‍ പോകുന്നത് ആഷിക് അബുവിന്റെ ഒരു ഫേസ്ബുക്ക് പോസ്റ്റിനെ കുറിച്ചാണ്. ആഷിക് അബു കഞ്ചാവ് നിരോധനം നീക്കുന്നതിനെ പിന്തുണയ്ക്കുന്നുണ്ടോ? എന്നതാണ് ഈ പോസ്റ്റില്‍ വ്യക്തമാകുന്നത്. ക്യാന്‍സര്‍ ജീവിത ശൈലീ രോഗമായി മാറിയ കാലത്ത് ഒരു വാര്‍ത്ത എന്നാണ് ആഷിക് അബു പോസ്റ്റ് ചെയ്തിരിയ്ക്കുന്നത്. അമേരിക്കയിലെ ദേശീയ ക്യാന്‍സര്‍ ഇന്‍സ്റ്റിറ്റിയൂട്ട് കാലങ്ങളായി നടത്തിയ ഗവേഷണങ്ങളുടെ ഫലമാണ് ഇപ്പോള്‍ പുറത്തായിരിയ്ക്കുന്നത്. അര്‍ബുദ കോശങ്ങളെ കൊല്ലാന്‍ കഞ്ചാവിന് കഴിയുമെന്നാണ് പഠനം.
ഗവേഷണം നടത്തിയ ക്യാന്‍സര്‍ ഇന്‍സ്റ്റിറ്റിയൂട്ട് തന്നെ പറയുന്നത് ഇപ്പോഴത്തെ ഫലങ്ങള്‍ വ്യക്തമായ തെളിവുകളല്ല എന്നാണ്. ഇന്ത്യയിലെ പോലെ തന്നെയാണ് അമേരിക്കയിലും കഞ്ചാവിന്റെ സ്ഥിതി. ശക്തമായ നിരോധനം ഉണ്ട്. എന്നാല്‍ വാഷിങ്ടണ്‍, അലാസ്‌ക തുടങ്ങിയ സ്‌റ്റേറ്റുകളില്‍ ചികിത്സ ആവശ്യങ്ങള്‍ക്കായി കഞ്ചാവ് ഉപയോഗിയ്ക്കാം. ആഷികിന്റെ ഫേസ്ബുക്ക് പോസ്റ്റിന് മികച്ച പ്രതികരണമാണ് ലഭിയ്ക്കുന്നത്. പോസ്റ്റ് ചെയ്ത് മൂന്ന് മണിക്കൂറുകൊണ്ട് ആയിരത്തിലധികം ലൈക്കുകളും ഇരുനൂറിലധികം ഷെയറുകളും ലഭിച്ചിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha