ഒരു കാലത്ത് മലയാളി പ്രേക്ഷകരെ ചിരിപ്പിക്കുകയും ചിന്തിപ്പിക്കുകയും ഒക്കെ ചെയ്ത ഒരു നടിയാണ് ഉർവശി. എന്നാൽ താരത്തിലെ ജീവിതത്തിൽ സംഭവിച്ച പല കാര്യങ്ങളും നമുക്കറിയാം. മനോജ് കെ ജയനും ആയ ഡിവോഴ്സ് ആയതും വീണ്ടും വിവാഹം കഴിച്ചതും ഒക്കെ പ്രേക്ഷകർക്ക് അറിയാവുന്ന കാര്യമാണ്.

വിവാഹ ശേഷവും അഭിനയ രംഗത്ത് നിലനിൽക്കുന്ന ഉർവ്വശിക്ക് മുഴുവൻ പിന്തുണയും നൽകുന്നത് ഉർവശിയുടെ രണ്ടാം ഭർത്താവ് ശിവപ്രസാദ് ആണ്.
2013 ൽ ആയിരുന്നു ശിവപ്രസാദുമായുള്ള വിവാഹം നടന്നത്. വിവാഹ ശേഷം മകന്റെ വിശേഷങ്ങളൊക്കെ ഉർവശി പങ്കുവയ്ക്കുന്നുണ്ട് . ഇഷാൻ പ്രജാപതി എന്നാണ് കുഞ്ഞിന്റെ പേര്.

ഉർവശിയുടെയും മനോജ് കെ ജയന്റേയും മകൾ കുഞ്ഞാറ്റ ആണ് ഈ പേര് ഇട്ടത്. കുഞ്ഞാറ്റയെ മകളെപ്പോലെ ആണ് ശിവപ്രസാദ് നോക്കുന്നത്. മോൻ വന്നപ്പോൾ തനിക്ക് ഒരുപാട് മാറ്റങ്ങൾ വന്നുവെന്ന് ശിവപ്രസാദ് വ്യക്തമാക്കുന്നുണ്ട്. ഒരു കുഞ്ഞ് ജനിക്കുമ്പോൾ അച്ഛനും അമ്മയും കൂടിയാണ് ജനിക്കുന്നത് എന്ന് പറയുന്നത് ശരിയാണ്.

കുഞ്ഞുങ്ങളെ എടുക്കാൻ പേടിയായിരുന്നു. മൂക്കത്തായിരുന്നു ദേഷ്യം. ഇപ്പോൾ അതെല്ലാം മാറിയെന്നും അദ്ദേഹം പറയുന്നു . താൻ താനായത് ഇഷാൻ വന്നതിന് ശേഷമാണെന്ന് അദ്ദേഹം ചൂണ്ടിക്കാണിക്കുന്നുണ്ട് . ഉർവശിക്കൊപ്പമുള്ള യാത്രയിൽ വ്യത്യാസങ്ങൾ ഉള്ളതായി തോന്നിയിട്ടില്ലെന്നും ശിവപ്രസാദ് പറഞ്ഞു .

തനിക്ക് ഉർവ്വശിയേയും അവളുടെ പ്രഫെക്ഷനും നന്നായി മനസിലാക്കാൻ സാധിക്കുന്നുണ്ട്. സിനിമയെക്കുറിച്ച് അറിയാതെ കൃത്യം അഞ്ച് മണിക്ക് വീട്ടിൽ എത്തണം എന്ന് പറഞ്ഞിട്ട് കാര്യം ഉണ്ടോയെന്നും അദ്ദേഹം ചോദിക്കുന്നു. ഒരു കുടുംബത്തിലെ ഏത് വ്യത്യാസവും ഏത് അകൽച്ചയും പരസ്പരം മനസിലാക്കിയാൽ തീരാവുന്നത് മാത്രമാണെന്നും ശിവപ്രസാദ് വ്യക്തമാക്കി.

ഉർവശിയെ കുറിച്ചും അദ്ദേഹം വാചാലനാകുന്നുണ്ട്. ഏത് വേഷവും തന്മയത്തത്തോടെ അഭിനയിച്ച് ഫലിപ്പിക്കാൻ കഴിവുള്ള താരമാണ് ഉർവശിയെന്നാണ് അദ്ദേഹം പറയുന്നത് . മലയാളത്തിലെ മഹാ നടൻമാരുടെ കാര്യത്തിൽ പറയുന്നത് പോലെ സിനിമയിൽ അഭിനയിക്കുക ആണോ എന്ന് പോലും പലപ്പോഴും തോന്നില്ലെന്നും അദ്ദേഹം വ്യക്തമാക്കിയിരിക്കുകയാണ്. സിനിമയിൽ തിളങ്ങി നിൽക്കുന്ന സമയത്തായിരുന്നു നടൻ മനോജ് കെ ജയനുമായുള്ള ഉർവശിയുടെ പ്രണയ വിവാഹം.2000 ൽ മനോജ് കെ ജയനുമായി വിവാഹം കഴിഞ്ഞെങ്കിലും 2008 ൽ വിവാഹ മോചിതരായി.