പതിനേഴാമത്തെ വയസ്സില്‍ സ്‌നേഹം എന്ന ചിത്രത്തിലൂടെ മലയാള സിനിമാ ലോകത്തേക്ക് അരങ്ങേറിയതാണ് ലെന. ആദ്യ ചിത്രത്തില്‍ നായകന്‍ ജയറാമിന്റെ സഹോദരിയായിരുന്നു. അവിടെ മുതലിങ്ങോട്ട് ഒത്തിരി സപ്പോര്‍ട്ടിങ് റോള്‍സ് കൈകാര്യം ചെയ്തു. ഇപ്പോള്‍ കുറച്ചു നാളായി നായകന്മാരുടെ അമ്മ വേഷമാണ് ലെനയ്ക്ക്.

വിക്രമാദിത്യന്‍ എന്ന ചിത്രത്തില്‍ ദുല്‍ഖര്‍ സല്‍മാന്റെയും ഹാപ്പി ജേര്‍ണി എന്ന ചിത്രത്തില്‍ ജയസൂര്യയുടെയും അമ്മയായി. ഇപ്പോള്‍ എന്നു നിന്റെ മൊയ്തീന്‍ എന്ന ചിത്രത്തില്‍ പൃഥ്വിരാജിന് അമ്മയാകുന്നു. ഈ ചിത്രം കൂടെ കഴിഞ്ഞാല്‍ താനിനി അമ്മ വേഷം കെട്ടില്ലെന്നാണ് ലെന പറയുന്നത്. എന്തുകൊണ്ട് ചെയ്യില്ല എന്ന ചോദിച്ചാല്‍ ലെനയ്ക്ക് കൃത്യമായ ഉത്തരമുണ്ട്. അത്തരത്തിലുള്ള വേഷങ്ങള്‍ ചെയ്തു തുടങ്ങിയാല്‍ പിന്നെ നമ്മള്‍ ടൈപ്പ് കാസ്റ്റ് ചെയ്യപ്പെടും.

അതിനോടെനിക്ക് താത്പര്യമില്ലെന്നാണ് ലെന പറയുന്നത്. എന്നു നിന്റെ മൊയ്തീന്‍ എന്ന ചിത്രത്തെ കുറിച്ച് ഞാന്‍ വളരെ എക്‌സൈറ്റ്ഡ് ആണെന്നാണ് ലെന പറയുന്നത്. റിയല്‍ ലൈഫ് ക്യാറക്ടറാണ്. 60കളില്‍ കോഴിക്കോടെ മുക്കത്ത് ജീവിച്ച പാത്തുമ്മ. മൊയ്തീന്റെ ബാല്യം മുതലുള്ള കഥയില്‍ മൂന്ന് സ്‌റ്റേജില്‍ ഞാനുണ്ട് ലെന പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha