സിനിമയില്‍ താരങ്ങളുടെ മക്കള്‍ വാഴും കാലം വരുന്നു. സുരേഷ് ഗോപിയുടെ മകന്‍ ഗോകുലിന് നായികയാവുന്നത് നടന്‍ വിജയ കുമാറിന്റെ മകള്‍ അര്‍ഥന വിജയകുമാര്‍. വിപിന്‍ ദാസ് സംവിധാനം ചെയ്യുന്ന മുത്തുഗവു എന്ന ചിത്രത്തിലാണ് അര്‍ഥന ഗോകുലിന്റെ നായികയാവുന്നത്.
ലേലം ഉള്‍പ്പടെ സുരേഷ് ഗോപി വിജയ കുമാര്‍ കൂട്ടുകെട്ടുകള്‍ ഒട്ടനവധി മികച്ച ചിത്രങ്ങള്‍ മലയാളികള്‍ക്കു സമ്മാനിച്ചിട്ടുണ്ട്. താരങ്ങളുടെ മക്കള്‍ ഒരുമിക്കുമ്പോള്‍ ഇതുപോലെ നല്ല ചിത്രമാണു പ്രേക്ഷകര്‍ പ്രതീക്ഷിക്കുന്നത്.
നിരവധി പരസ്യചിത്രങ്ങളില്‍ പ്രവര്‍ത്തിച്ച പരിചയവുമായാണു ചിത്രത്തിന്റെ സംവിധായകന്‍ വിപിന്‍ തന്റെ ആദ്യ സിനിമാ സംരംഭത്തിലേക്ക് കടക്കുന്നത്. െ്രെഫഡെ ഫിലിംസിന്റെ ബാനറില്‍ വിജയ് ബാബുവും സാന്ദ്ര തോമയും ചേര്‍ന്നാണ് ചിത്രം നിര്‍മ്മിക്കുന്നത്. ചിത്രത്തില്‍ ഒരു പ്രധാന കഥാപാത്രമായി വിജയ് ബാബു എത്തുന്നുണ്ട്.
തിരുവനന്തപുരം മാര്‍ ഇവാനിയോസ് കോളേജ് വിദ്യാര്‍ത്ഥിനിയാണ് അര്‍ഥന. ഗോകുലിന്റെ അനുജത്തിയുടെ കൂട്ടുകാരി കൂടിയാണ് അര്‍ഥന എന്ന പ്രത്യേകതയുമുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha