എല്ലാവരുടെയും ജീവിതത്തില്‍ സംഭവിച്ചത് പോലെയാണ് എനിക്കും സംഭവിച്ചതെന്ന് നടന്‍ ദിലീപ്
സാധാരണക്കാരായ എല്ലാവര്‍ക്കും സംഭവിച്ചത് പോലെയാണ് തനിക്കും സംഭവിച്ചതെന്ന് നടന്‍ ദിലീപ് പറയുന്നു. മാധ്യമങ്ങളാണ് പലതും തെറ്റായ രീതിയില്‍ ഉണ്ടാക്കിയതെന്നും ദിലീപ് പറഞ്ഞു. ദീലിപിന്റെ അഭിനയത്തില്‍ വന്ന മാറ്റത്തെ സിനിമാ ലോകം കളിയാക്കിയിട്ടുണ്ട്. അതിന്റെ മറുപടിയായി ദിലീപ് പറയുന്നത് ഇങ്ങനെ. ഏതൊരു നടന്റെയും അഭിനയ ജീവിതത്തില്‍ മാറ്റങ്ങള്‍ സംഭവിക്കുന്നത് സ്വഭാവികമാണ്. അത് തനിയ്ക്ക് മാത്രമല്ലെന്നും ദിലീപ് പറയുന്നു. എല്ലാ നട•ാരുടെയും പഴയ സിനിമകളും ഇപ്പോഴത്തെ സിനിമകളും എടുത്ത് നോക്കിയാല്‍ മനസിലാകുമെന്നും ദിലീപ് പറഞ്ഞു.
മാറ്റങ്ങള്‍ സംഭവിക്കുന്നുണ്ട്. അത് ശരിയാണ്. ഞാന്‍ ഒരു പെര്‍ഫക്ട് ആക്ടറാണെന്ന് പറയുന്നില്ല. സിനിമയില്‍ ഇന്നും ഞാന്‍ ഒരു സ്റ്റുഡന്റ് ആണെന്നും ദിലീപ് പറഞ്ഞു. പുതിയ ചിത്രമായ ലൈഫ് ഓഫ് ജോസൂട്ടിയുടെ വിശേങ്ങള്‍ പങ്കുവയ്ക്കവേ ഒരു ഓണ്‍ലൈന്‍ മാധ്യമത്തിന് നല്‍കിയ അഭിമുഖത്തില്‍ ദിലീപ് സംസാരിക്കവേയാണ് ഇക്കാര്യം പറയുന്നത്. കാവ്യ മാധവനുമായുളള ബന്ധത്തെ തെറ്റായ രീതിയില്‍ കണ്ടവരാണ് ഇവിടത്തെ മാധ്യമങ്ങള്‍.
മാധ്യമങ്ങളുടെ അത്തരം സമീപം തന്നെ ദുഖിപ്പിച്ചെന്നും അദ്ദേഹം പറഞ്ഞു. അഭിനയം പഠിച്ചിട്ട് വന്ന ഒരു നടനല്ല താന്‍ എന്നും ദിലീപ് പറയുന്നു. മാനത്തെ കൊട്ടാരം എന്ന ചിത്രത്തില്‍ നിന്ന് ജിത്തു ജോസഫിന്റെ ലൈഫ് ഓഫ് ജോസൂട്ടി എന്ന ചിത്രം വരെ എത്തി നില്‍ക്കുകയാണ് ദിലീപ്. ഇതിനിടയില്‍ അഭിനയത്തില്‍ ഏറെ മാറ്റങ്ങള്‍ വന്നു. ഇപ്പോഴും താന്‍ സിനിമയില്‍ ഒരു വിദ്യാര്‍ത്ഥിയാണെന്നാണ് ദിലീപ് പറയുന്നത്. തനിയ്ക്ക് വന്ന മാറ്റങ്ങളെല്ലാം ഒരു പക്ഷേ താന്‍ പഠിച്ച് വരുന്നതിന്റെ ഭാഗമായുള്ളതാകാം. ഒരു കലാ കുടുംബത്തില്‍ നിന്ന് വന്നതിന്റെ അനുഭവം ഒന്നുമില്ലെന്നും ദിലീപ് പറഞ്ഞു.
കാലങ്ങള്‍ മാറുമ്പോള്‍ ഒരു വ്യക്തിയുടെ ജീവിതത്തില്‍ ഉണ്ടാകുന്ന മാറ്റം, അതാണ് ഒരു നടന്റെ അഭിനയ ജീവിതത്തിലും സംഭവിച്ചിട്ടുള്ളുവെന്നും ദിലീപ്. ദൃശ്യം എന്ന മലയാളത്തിലെ വമ്പന്‍ ഹിറ്റ് ചിത്രത്തിന് ശേഷം ദിലീപിനെ നായകനാക്കി സംവിധാനം ചെയ്യുന്ന ചിത്രമാണ് ലൈഫ് ഓഫ് ജോസൂട്ടി. അതുക്കൊണ്ട് പലരും വലിയ പ്രതീക്ഷ ലൈഫ് ഓഫ് ജോസൂട്ടിയ്ക്ക് കൊടുക്കുന്നുണ്ട്. പക്ഷേ ചിത്രത്തെ അങ്ങനെ പ്രതീക്ഷിക്കേണ്ട ആവശ്യമില്ല. അതികം പ്രതീക്ഷ കൂടാതെ ചിത്രം തിയറ്ററില്‍ പോയി കാണണം, ചിലപ്പോള്‍ പ്രതീക്ഷിക്കുന്നതിനപ്പുറം സംഭവിച്ചേക്കാമെന്നും ദിലീപ് പറയുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
