സിനിമാമേഖലയിലെ പ്രതിസന്ധിക്ക് താത്ക്കാലിക പരിഹാരം. ജോസൂട്ടിയുടെയും മൊയ്തീന്റെയും ജീവിതം പറയുന്ന ചിത്രങ്ങള്‍ നാളെ മുതല്‍ തിയേറ്ററുകള്‍ കീഴടക്കും. വിതരണക്കാരുടെ സംഘടന തിയറ്ററുകള്‍ക്കെതിരെ ഏര്‍പ്പെടുത്തിയ വിലക്കു പിന്‍വലിച്ചു. ഇതോടെ, നാളെ മുതല്‍ പുതിയ ചിത്രങ്ങളെത്തും. ലിബര്‍ട്ടി ബഷീര്‍ അടക്കമുള്ള തീയേറ്റര്‍ ഉടമകള്‍ക്കെതിരെ വിതരണക്കാരുടെ സംഘടന ഏര്‍പ്പെടുത്തിയ വിലക്കില്‍ കുടുങ്ങിയാണ് സിനിമാ മേഖലയില്‍ പുതിയ പ്രതിസന്ധി ഉടലെടുത്തിരുന്നത്. വെള്ളിയാഴ്ച റിലീസ് ചെയ്യുന്ന ചിത്രങ്ങള്‍ക്ക് തീയേറ്ററുകള്‍ നല്‍കില്ലെന്ന് തീയേറ്റര്‍ ഉടമകളുടെ സംഘടന പ്രഖ്യാപിച്ചിരുന്നു.
ഈ വിലക്കുകളെല്ലാം താല്‍ക്കാലികമായി ഒഴിവാക്കിയതോടെയാണ് പുതിയ ചിത്രങ്ങളുടെ റിലീസിനു വഴിയൊരുങ്ങിയത്. പെരുന്നാള്‍ ലക്ഷ്യമാക്കി റിലീസിനെത്തിയ ചിത്രങ്ങളുടെ റിലീസിങ്ങ് തര്‍ക്കത്തെത്തുടര്‍ന്ന് പ്രതിസന്ധിയിലായിരുന്നു. ദിലീപ് ചിത്രമായ ലൈഫ് ഓഫ് ജോസൂട്ടി, പൃഥ്വിരാജ് ചിത്രം എന്ന് നിന്റെ മൊയ്തീന്‍ തുടങ്ങിയ ചിത്രങ്ങളുടെ റിലീസിങ്ങ് മാറ്റി വച്ചിരുന്നു.
ബാലചന്ദ്രമേനോന്റെ ഞാന്‍ സംവിധാനം ചെയ്യും, ലാല്‍ പ്രധാനവേഷത്തില്‍ എത്തുന്ന ഉറുമ്പുകള്‍ ഉറങ്ങാറില്ല എന്നിവയും നാളെ പ്രദര്‍ശനത്തിനെത്തും. പുതിയ ചിത്രങ്ങളുടെ റിലീസ് ഇന്നലെ നടന്നിരുന്നില്ല.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha