എന്ന് നിന്റെ മൊയ്തീന് ശരിക്കും ത്രില്ലടിപ്പിച്ചു: ഇത് ശുദ്ധ പ്രണയം പാര്വ്വതി
പ്രണയ തീവ്രത കൊണ്ട് പ്രേക്ഷകനെ കിടിലം കൊള്ളിക്കുന്ന എന്ന് നിന്റെ മൊയ്തീന് മികച്ച പ്രതികരണം. പ്രേമത്തിന് പിന്നാലെ തിയേറ്ററില് വലിയ തരംഗം തീര്ക്കാന് പോണ ചിത്രമെന്നാണ് ആദ്യറിപ്പോര്ട്ടുകള്. ആര് എസ് വിമലിന്റെ സംവിധാനത്തില് പുറത്തിറങ്ങിയ എന്ന് നിന്റെ മൊയ്തീന് എന്ന സിനിമ റിലീസ് ചെയ്ത് ഏതാനും ദിവസങ്ങള്ക്കകം തീയറ്ററുകളില് തരംഗം തീര്ത്തു കഴിഞ്ഞു. 1960കളില് കോഴിക്കോട് ജില്ലയിലെ മുക്കത്ത് നടന്ന ഒരു അവിശ്വസനീയമായ പ്രണയകഥയെ ആസ്പദമാക്കി എടുത്ത ചിത്രമാണിത്. മൊയ്തീനായി പൃഥ്വിരാജും കാഞ്ചനമാലയായി പാര്വതി മേനോനും അഭിനയിച്ചപ്പോള് സിനിമയെ പ്രേക്ഷകര് ഇരുകൈയും നീട്ടി സ്വീകരിച്ചു.
സിനിമ വിജയിച്ചതിന്റെ ആഹ്ലാദവും കാഞ്ചനമാലയായി വേഷമിട്ടതിന്റെ അനുഭവവും പാര്വതി ഫേസ്ബുക്കിലൂടെ ആരാധകരുമായി പങ്കുവച്ചു. \'കാഞ്ചന ചേച്ചി തന്റെ കഥ ലോകത്തോട് പറയാന് അവര് അനുവാദം നല്കിയിരുന്നില്ലായെങ്കില് ശുദ്ധപ്രണയത്തിന്റെ പ്രതീകമായൊരു കഥ നഷ്ടമായേനെ. ഞങ്ങളുടെ പ്രയത്നങ്ങള്ക്ക് ഒപ്പം നിന്ന ബിപി മൊയ്ദീന്റെ കുടുംബത്തോട് നന്ദിയുണ്ട്. തീയേറ്ററുകളില് പ്രേക്ഷകര്ക്ക് യഥാര്ത്ഥ പ്രണയം കാണാന് സാധിക്കുമെന്ന് വിശ്വസിക്കുന്നു \' പാര്വതി പറയുന്നു.
രണ്ടു സമൂദായത്തിലെ അംഗങ്ങള് തമ്മിലുള്ള പ്രണയം അത്യന്തം ഭാവത്രീവയോടെയാണ് അണിയിച്ചൊരുക്കിയിരിക്കുന്നത്. അഭിനയത്തിന്റെ പല രംഗങ്ങളിലും ശരിക്കും വിഷമിച്ചു എന്ന് പാര്വ്വതി പറയുന്നു.
ന്യൂട്ടന് മൂവീസിന്റെ ബാനറില് സുരേഷ് രാജ്, ബിനോയ് ശങ്കരത്ത് എന്നിവര് ചേര്ന്നാണ് ചിത്രം നിര്മ്മിക്കുന്നത്. സായികുമാര്, ബാല തുടങ്ങിയവരും പ്രധാനവേഷങ്ങളിലെത്തുന്നു. ജോമോന് ടി ജോണാണ് ക്യാമറ.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
