മോഹന്‍ലാല്‍ അത്ര വലിയ സുന്ദരനൊന്നുമല്ല. മുഖ ലക്ഷണവും ലക്ഷണമൊത്തതല്ല. ശബ്ദം അത്ര പവര്‍ഫുള്ളല്ല. എല്ലാം ഒറ്റനോട്ടത്തില്‍ ശരാശരി. അങ്ങനെയുള്ള ഒരു സാധാരണ മനുഷ്യന്റെ എല്ലാ ഫീച്ചേഴ്‌സുമുള്ള ഒരാളില്‍ നിന്ന് വരുന്ന കഴിവ് പക്ഷെ ഭയങ്കരമാണ് പറയുന്നത് സംവിധായകന്‍ സിദ്ദിഖാണ്. മോഹന്‍ലാലിനെ കുറിച്ച് നാനയില്‍ എഴുതുന്ന മോഹനം ലാസ്യം മനോഹരം എന്ന പക്തിയ്ക്ക് നല്‍കിയ അഭിമുഖത്തില്‍ സംസാരിക്കവെയാണ് മോഹന്‍ലാലിനെ കുറിച്ചും അദ്ദേഹത്തിന്റെ വ്യക്തിത്വത്തെ കുറിച്ചുമൊക്കെ സിദ്ദിഖ് വാചാലനായത്.

നോക്കെത്താ ദൂരത്ത് കണ്ണും നട്ട് എന്ന ചിത്രം മുതല്‍ക്കാണ് ഞാനും ലാലും പാച്ചിക്കായുടെ (ഫാസില്‍) അസിസ്റ്റന്റുകളാവുന്നത്. ചിത്രത്തിന് വേണ്ടി ഒരു പുതുമുഖ നടനെയും നടിയെയും പത്മിനി ചേച്ചിയെയുമാണ് പാച്ചിക്കയുടെ മനസ്സിലുണ്ടായിരുന്നത്. എന്നാല്‍ ഞങ്ങളാണ് ശ്രീകുമാറിനായി മോഹന്‍ലാലിന്റെ പേര് നിര്‍ദ്ദേശിക്കുന്നത്. അന്ന് ലാല്‍ വലിയ നടനൊന്നുമായിട്ടില്ല. വില്ലന്‍ വേഷങ്ങളിലൂടെ ശ്രദ്ധിക്കപ്പെട്ടു തുടങ്ങിയ കാലം. ഇടയ്ക്ക് ചില്ലറ നല്ല വേഷങ്ങള്‍ വേറെയും. ഒരു മിന്നായംപോലെ ഒന്നുരണ്ടിടത്ത് അദ്ദേഹം ഹ്യൂമര്‍ചെയ്യുന്നതും ഞങ്ങളുടെ ശ്രദ്ധയില്‍പെട്ടിരുന്നു

.

അതുകൊണ്ടാണ് ശ്രീക്കുട്ടന്റെ വേഷം ലാലിന് ഇണങ്ങുമെന്ന് ഞങ്ങള്‍ നിരന്തരമായി പാച്ചിക്കയോട് പറഞ്ഞുകൊണ്ടിരുന്നതെന്നും സിദ്ധിഖ് പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha