അഹങ്കാരം അപത്തായി എന്ന് പറഞ്ഞതുപോലെയാണ് മനോരമ ടിവി അവതാരകനും നടനുമായ സാബുവിന്റെ കാര്യവും. മോഹന്‍ലാലിനെ അപമാനിച്ചെന്ന രീതിയില്‍ സാബു ഫേ്‌സ്ബുക്കില്‍ പോസ്റ്റ് ചെയ്ത് സ്റ്റാറ്റസ് സാഹുവിന് തന്നെ തിരിച്ചടിയായി. സാബുവിനെ തന്റെ ചിത്രത്തില്‍ നിന്നും സംവിധായകന്‍ സാജന്‍ കെ. മാത്യു ഒഴിവാക്കി. സെന്റ് പീറ്റേഴ്‌സ് ഡേ എന്ന ചിത്രത്തില്‍ നിന്നാണ് സാബുവിനെ ഒഴിവാക്കിയത്. ചിത്രത്തിന്റെ നിര്‍മ്മാതാവ് സാബുവായിരുന്നു. ഫെയ്‌സ് ബുക്കിലൂടെയാണ് സാജന്‍ ഇക്കാര്യം അറിയിച്ചത്. ആസിഫ് അലിയും, സണ്ണി വെയ്‌നും മുഖ്യവേഷത്തില്‍ അഭിനയിക്കുന്ന ചിത്രമായിരുന്നു ഇത്. ഇതിന്‍ നല്ലൊരു വേഷവും സാബുവിന് ഉണ്ടായിരുന്നു.
എന്തിന്റെ പേരിലായാലും മലയാളികള്‍ നെഞ്ചേിലേറ്റിയ ഒരു വലിയ മനുഷ്യനെക്കുറിച്ച് ഉണ്ടായ മോശം പരാമര്‍ശം വളരെ വേദനാജനകമാണ്. വളരെ നിരുത്തരവാദപരമായ ഈ സമീപനം ഉണ്ടായ സാഹചര്യം മറ്റൊരു നിര്‍മ്മാതാവിനെ തേടാന്‍ പ്രേരിപ്പിച്ചിരിക്കുകയാണെന്നുമാണ് സംവിധായകന്‍ സാജന്‍ ഫേസ്ബുക്ക് പോസ്റ്റില്‍ വ്യക്തമാക്കി.
എന്നാല്‍ താന്‍ മോഹന്‍ലാലിനെ അല്ല ചീത്തവിളിച്ചതെന്ന വിശദീകരണവുമായി സാബുവും രംഗത്തുണ്ട്.സോഷ്യല്‍ മീഡിയയില്‍ വൈറലായ കമന്റ് ലാലേട്ടനെ ഉദ്ദേശിച്ചുള്ളതായിരുന്നില്ലെന്ന് സാബു പറഞ്ഞു. തെരുവ് നായ വിഷയത്തില്‍ താനിട്ട ഫേസ്ബുക്ക് പോസ്റ്റിന്റെ കമന്റ് കോളത്തില്‍ തുടര്‍ച്ചയായി ചിത്രങ്ങള്‍ പോസ്റ്റ് ചെയ്ത യുവാവിനോടുള്ള പ്രതികരണമായിരുന്നു തന്റെ കമന്റെന്നും സാബു പറഞ്ഞു.
അസഹ്യമായ കമന്റ് പോസ്റ്റ് ചെയ്തയാള്‍ക്കെതിരെയായിരുന്നു തന്റെ രോക്ഷപ്രകടനം. മറിച്ച് ലാലേട്ടന് എതിരെയായിരുന്നില്ല.അതേസമയം മോഹന്‍ലാലിന്റെ പിതാവിനെ പരാമര്‍ശിക്കുന്ന ഭാഗം വേണ്ടിയിരുന്നില്ലെന്ന് സാബു സമ്മതിച്ചു. അപ്പോഴത്തെ മാനസികാവസ്ഥയില്‍ അങ്ങനെ പറഞ്ഞു പോയതാണെന്നും സാബു പറഞ്ഞു. കാരണം വ്യക്തമാക്കി സാബു തന്റെ പേസ്ബുക്കില്‍ സ്റ്റാറ്റസ് ഇട്ടിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha