ബാഹുബലിയുടെ ആക്ഷന്‍ സംവിധായകന്‍ പീറ്റര്‍ ഹെയ്ന്‍ മോഹന്‍ലാലിനെ അഭനന്ദിച്ചു. പീറ്റര്‍ ഹെയ്‌നും മോഹന്‍ലാലും ആദ്യമായാണ് ഒരു സിനിമയ്ക്കു വേണ്ടി ഒന്നിക്കുന്നത്. അന്യന്‍, ഗജനി, രാവണന്‍, ഏഴാം അറിവ്, ബാഹുബലി തുടങ്ങിയ ചിത്രങ്ങളുടെ ആക്ഷന്‍ സംവിധായകനായിരുന്ന പീറ്റര്‍ ഹെയ്്‌നിനെ മലയാള സിനിമയ്ക്ക് വേണ്ടി ക്ഷണിച്ചത് സംവിധായകന്‍ വൈശാഖാണ്. മോഹന്‍ലാല്‍ നായകനാവുന്ന പുലിമുരുകനാണ് ചിത്രം. 10 പുലികളും മോഹന്‍ലാലും തമ്മിലുള്ള സംഘടന രംഗമാണ് ചിത്രീകരിച്ചത്.
ചിത്രീകരണത്തിന് നിരത്തി നിര്‍ത്തിയ പുലികളെ കണ്ട് മോഹന്‍ലാല്‍ തോളൊന്നുചരിച്ച് ചിരിച്ചു. കൂട്ടത്തില്‍ തലയെടുപ്പുള്ളവനെ നോക്കി കണ്ണിറുക്കി. ഷൂട്ടിങ്ങ് ക്രൂ സ്തബ്ദമായി നോക്കി നില്‍ക്കെ മോഹന്‍ലാല്‍ ഒരെണ്ണത്തിന്റെ നെറുകയില്‍ തലോടി. ഇതു കണ്ടു നിന്ന പീറ്റര്‍ ഹെയ്ന്‍ മോഹന്‍ലാലിനെ നോക്കി കണ്ണിറുക്കി. കൊള്ളാമല്ലോ എന്നൊരു കമന്റും. മലയാളമറിയാത്ത തുക്കിടിയെ നോക്കി മോഹന്‍ലാല്‍ പറഞ്ഞു. ഇതു താന്‍ മലയാളം
പണ്ട് മമ്മൂട്ടി പുലിയുമായി കയറി മുട്ടിയ സിനിമയാണ് മൃഗയ. അന്ന് ഒരു പുലി മാത്രമാണുണ്ടായിരുന്നത്. സിനിമയില്‍ പുലി തോറ്റു. മമ്മൂട്ടി ജയിച്ചു. സിനിമ വന്‍ വിജയവുമായിരുന്നു. മമ്മൂട്ടിക്ക് വന്‍ കൈയ്യടി ചിത്രം നല്‍കുകയും ചെയ്തിരുന്നു.
മോഹന്‍ലാലിന്റെ സംഘടന രംഗങ്ങള്‍ക്കായി പ്രത്യേക പരിശീലനം നല്‍കിയ പുലികളെയാണ് രംഗത്തിറക്കിയത്. വിയറ്റ്‌നാമിലെ മൃഗശാലയില്‍ നിന്നാണ് പുലികളെ കൊണ്ടു വന്നത്. ഇണക്കമുള്ളതാണെങ്കിലും ആളു പുലിയായതിനാല്‍ ഭയം കൂടിയല്ലേ തീരൂ. സംവിധായകന്‍ വൈശാഖ് വരെ ഒരടി മാറി നിന്നു എന്നാണ് സിനിമാ രംഗത്തുള്ള ഗോസിപ്പ്.
പീറ്റര്‍ ഹെയ്‌സിനെ പുലിമുരുകനിലെത്തിച്ചത് സംവിധായകന്‍ വൈശാഖാണ്. അദ്ദേഹം ആക്ഷന്‍ രംഗങ്ങള്‍ ഏറ്റെടുക്കുന്നതിനുമുമ്പ് മോഹന്‍ലാലുമായി സംസാരിച്ചിരുന്നു. മോഹന്‍ലാല്‍ തന്നെ അമ്പരപ്പിച്ചു കളഞ്ഞെന്നാണ് ആഗോള പ്രശസ്തനായ ആക്ഷന്‍ സംവിധായകന്റെ കമന്റ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha