മലയാളത്തിന്റെ പ്രിയയുവ നടന്‍ പൃഥ്വിരാജ് ഇന്ന് മുപ്പത്തി മൂന്നാം പിറന്നാള്‍ ആഘോഷിക്കുകയാണ്. ഫെയ്‌സ് ബുക്കില്‍ നിരവധി പേരാണ് പൃഥ്വിന് പിറന്നാള്‍ ആശംസകള്‍ അറിയിച്ചത്. പിറന്നാള്‍ ആഘോഷിക്കുന്നതിനൊടൊപ്പം തന്നെ എന്നു നിന്റെ മൊയ്തീന്‍ ചിത്രത്തിന്റെ വിജയവും പൃഥ്വി ആഘോഷിക്കുകയാണ്. പത്തൊന്‍പതാം വയസില്‍ രഞ്ജിത്തിന്റെ നന്ദനം എന്ന ചിത്രത്തിലൂടെയാണ് പൃഥ്വിവിന്റെ കടന്ന് വരവ്. നടന്‍ സുകുമാരന്റെയും നടി മല്ലികയുടെയും മകനാണ് പൃഥ്വിരാജ്.
വിമര്‍ശനങ്ങളും കുത്തുവാക്കുകളും ഒരുപാട് കേട്ടെങ്കിലും ആ പറഞ്ഞവരെ കൊണ്ടെല്ലാം തിരുത്തി പറയിപ്പിച്ച നടന്‍. മലയാളത്തിന് പുറമെ തമിഴിലും തെലുങ്കിലും ഹിന്ദിയിലും തന്റെ സാന്നിധ്യം വലിയോ തോതില്‍ തന്നെ അറിയിച്ചു. സുകുമാരന്റെ മകന്‍ രാജുവായും രാജപ്പനായും പൃഥ്വിയായും പൃഥ്വി ചേട്ടനായും പിടിച്ചുകയറിയത് ആരാധകരുടെ ഔധാര്യം കൊണ്ടൊന്നുമല്ലെന്ന് തീര്‍ത്ത് പറയാന്‍ സാധിക്കും. വിമര്‍ശനങ്ങളോട് ആദ്യം പൊട്ടിത്തെറിച്ചെങ്കിലും പിന്നീട് പക്വതയോടെ, മനൗത്തിലൂടെ അതിനെ നേരിട്ടു.
നന്ദനം മുതല്‍ എന്നു നിന്റെ മൊയ്തീന്‍ വരെ പൃഥ്വി പല കഥാപാത്രങ്ങളായി പ്രേക്ഷകര്‍ക്ക് മുന്നിലെത്തി. രണ്ട് തവണ കേരള സംസ്ഥാന സര്‍ക്കാറിന്റെ മികച്ച നടനുള്ള പുരസ്‌കാരം വാങ്ങിച്ചു. അഭിനേതാവ് എന്നതിന് പുറമെ നിര്‍മാതാവ് ഗായകന്‍ എന്ന നിലയിലും ചുവടുറപ്പിച്ച പൃഥ്വിയുടെ അടുത്ത സ്വപ്‌നം സംവിധാനമാണ്.
2002 ല്‍ നന്ദനം എന്ന ചിത്രത്തിലൂടെയാണ് പൃഥ്വിരാജിന്റെ അരങ്ങേറ്റം (അല്ല, നക്ഷത്രകണ്ണുള്ള രാജകുമാരന്‍ അവനുണ്ടൊരു രാജകുമാരി എന്ന ചിത്രമാണ് എന്ന് ചിലര്‍ പറയുന്നു). രഞ്ജിത്ത് സംവിധാനം ചെയ്ത ചിത്രം കൃഷ്ണ ഭക്തയായ ബാലമണിയുടെയും അവളെ സ്‌നേഹിയ്ക്കുന്ന മനുവിന്റെയും കഥയാണ് പറഞ്ഞത്. മനു എന്ന കഥാപാത്രത്തെ അവതരിപ്പിച്ച പൃഥ്വിരാജിന് അന്ന് വയസ്സ് 19 .

കുഞ്ഞൂഞ്ഞ് എന്ന പൂവാലനായി പ്രേക്ഷക മനസ്സില്‍ പൃഥ്വി ഇടം നേടിയത് സ്വപ്‌നകൂട് എന്ന ചിത്രത്തിന് ശേഷമാണ്. പൃഥ്വിയ്‌ക്കൊപ്പം ജയസൂര്യ, കുഞ്ചാക്കോ ബോബന്‍, മീര ജാസ്മിന്‍, ഭാവന തുടങ്ങിയവരും ചിത്രത്തില്‍ പ്രധാന കഥാപാത്രങ്ങളെ അവതരിപ്പിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha