കാഞ്ചനമാലയുടെ ഏറെക്കാലത്തെ സ്വപ്നം യാഥാര്‍ഥ്യമാക്കാന്‍ നടന്‍ ദിലീപ് എത്തി. മൊയ്തീന്‍ ബാക്കിവെച്ചുപോയ സ്വപ്നങ്ങള്‍ പൂര്‍ത്തീകരിക്കാനായി മൊയ്തീന്റെ പ്രണയിനി കാഞ്ചനമാല ഏറ്റെടുത്ത ദൗത്യത്തിന് കൈത്താങ്ങുമായാണ് ദിലീപ് എത്തിയത്. എന്ന് നിന്റെ മൊയ്തീന്‍ സിനിമയിലൂടെ അനശ്വരനായ ബി.പി മൊയ്തീന്റെ സ്മാരകത്തിന്റെ നിര്‍മ്മാണത്തിനാണ് സഹായവാഗ്ദാനവുമായി ദിലീപ് എത്തിയത്.

മൊയ്തീന്റെ സ്മാരകമായ ബി.പി. മൊയ്തീന്‍ സേവാമന്ദിര്‍ ദിലീപ് പുനര്‍നിര്‍മിക്കും. ഇതുസംബന്ധിച്ചു കാഞ്ചനമാലയോടു സംസാരിച്ചുവെന്നും അവര്‍ വലിയ സന്തോഷത്തോടെ സഹായ വാഗ്ദാനം സ്വീകരിച്ചുവെന്നും അടുത്ത ദിവസം തന്നെ മുക്കത്ത് പോയി കാഞ്ചനമാലയെ കാണുമെന്നും ദിലീപ് അറിയിച്ചു.

അശരണരായ സ്ത്രീകള്‍ക്കു സഹായവുമായി ഒരു ഷെഡില്‍ പ്രവര്‍ത്തിക്കുന്ന ബി.പി. മൊയ്തീന്‍ സേവാ മന്ദിറിനു ഒരു കെട്ടിടമെന്നത് കാഞ്ചനമാലയുടെ സ്വപ്‌നമായിരുന്നു. കാഞ്ചനമാലയുടെ ആഗ്രഹം അറിഞ്ഞ ദിലീപ് സഹായ മനസ്‌കതയുമായി മുന്നോട്ടു വരികയായിരുന്നു. കാഞ്ചനമാലയുടെ ജീവിതത്തെ ആസ്പദമാക്കി നിര്‍മിച്ച സിനിമ താന്‍ കണ്ടിട്ടില്ല. സിനിമ വന്നതുകൊണ്ടല്ല ഈ സന്ദര്‍ശനമെന്നും ദിലീപ് പറഞ്ഞു.

ജീവിതത്തില്‍ എല്ലാ പ്രതീക്ഷയും നഷ്ടമായിട്ടും മറ്റുളളവരുടെ സ്വപ്നങ്ങള്‍ക്ക് നിറംപകരാന്‍ ശ്രമിക്കുന്ന കാഞ്ചനമാലയ്ക്ക് പിന്തുണ നല്‍കണമെന്ന ഉറച്ച ചിന്തയില്‍ നിന്നാണ് സന്ദര്‍ശനമെന്ന് ദിലീപ് പറയുന്നു. കാഞ്ചനമാല മുക്കത്തു നടത്തുന്ന വനപ്രവര്‍ത്തനങ്ങളാണ് ദീലിപിനെ ഈ തീരുമാനത്തിലെത്തിച്ചത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha