മെയ്തീന്റെ കാഞ്ചയെ കാണാനുള്ള മുക്കത്തേക്കുള്ള യാത്രയില് ദിലീപിന്റെ ലാന്റ് ക്രൂയിസര് കാര് അപകടത്തില്പ്പെട്ടു
ഇന്നലയെ മെയ്തീന്റെ കാഞ്ചയെ കാണാനുള്ള മുക്കത്തേക്കുള്ള വരവിനിടയില് ദിലീപ് സഞ്ചരിച്ച വാഹനം ദേശീയ പാതയില് അപകടത്തില്പെട്ടു. ദേശീയ പാതയില് പേരാമ്പ്രയില് വച്ചാണ് വാഹനം അപകടത്തില് പെട്ടത്. തിങ്കളാഴ്ച രാവിലെയായിരുന്നു അപകടം. ദിലീപ് സഞ്ചരിച്ചിരുന്ന ലാന്റ് ക്രൂയിസര് കാറാണ് അപകടത്തില്പ്പെട്ടത്. പേരാമ്പ്ര പള്ളിക്ക് മുന്വശത്ത് ഇടവഴിയില് നിന്നും കയറിവന്ന ബൊലേറോ ജീപ്പില് ദിലീപിന്റെ കാര് ഇടിക്കുകയായിരുന്നു. ഇടിയുടെ ആഘാതത്തില് കാറിന്റെ ഇടതുവശം ഭാഗികമായി തകര്ന്നു. ആര്ക്കും പരിക്കില്ല.
അപകടത്തെ തുടര്ന്നുണ്ടായ ഞെട്ടിലില് യാത്ര അല്പ്പ സമയം വൈകിയെങ്കിലും കാഞ്ചനേടത്തിയെ കാണന് മറ്റൊരു വാഹനത്തില് ദിലീപ് യാത്ര തുര്ന്നു. കൊടകര പൊലീസ് സ്ഥലത്തെത്തി. മുക്കത്ത് എത്തിയ ദിലീപ് കാഞ്ചനമാലയെ കാണുകയും ചര്ച്ച നടത്തുകയും ചെയ്തു.മകള് മീനാക്ഷിയുെട പ്രാര്ഥനയുടെ ഗുണം കൊണ്ടാണ് അപകടങ്ങളില് നിന്ന് താന് രക്ഷപ്പെടുന്നതെന്ന് ദിലീപ് പറഞ്ഞു.
എന്തെങ്കിലും തീരുമാനിച്ചാല് അത് ചെയ്യുന്ന നടനാണ് ദിലീപ്. മറ്റുള്ളവരെ സഹായിക്കുന്ന കാര്യത്തിലും മറ്റെല്ലാ നടന്മാരില് മുമ്പനുമാണദ്ദേഹം. അവശതയനുഭവിക്കുന്ന കലാകാരന്മാര്ക്ക് ദിലീപിന്റെ സഹായം ഇപ്പോഴും കിട്ടുന്നുണ്ട്. ആരും അറിയുന്നില്ലെന്ന് മാത്രം. കഴിഞ്ഞമാണ് അച്ഛനും അമ്മയും മരണപ്പെട്ട കുട്ടികളുടെ സംരക്ഷണ ചുമതല ദിലീപ് ഏറ്റെടുത്തത്.
എന്നും എന്റെ മൊയ്തീന് സിനിമ ഹിറ്റായെങ്കിലും മൊയ്തീന് സേവാമന്ദിരത്തിന്റെ അവസ്ഥകണ്ട് സഹായിക്കാനായി ആദ്യം എത്തിയത് ദിലീപാണ്. കഴിഞ്ഞ ദിവസമാണ് കോഴിക്കോട് മുക്കത്ത് ബി പി മൊയ്തീന് സേവാ മന്ദിറിന് കെട്ടിടം നിര്മ്മിച്ചു നല്കുന്നതിന് സഹായവുമായി നടന് ദിലീപ് എത്തിയത്. കാഞ്ചനമാലയെ നേരില് കാണ്ട് സഹായം എത്തിക്കാനും അവരെ കാണാനുമാണ് നടന് എത്തിയത്.
ഉച്ചക്ക് ശേഷം നാല് മണിയോടെ താരം മുക്കത്തെ ബി.പി.മൊയ്തീന് സേവാമന്ദിറില് ദിലീപ് എത്തി. ദിലീപ് എത്തിയത് അറിഞ്ഞ് വന് ജനക്കൂട്ടം തന്നെ അവിടെ തടിച്ചു കൂടിയിരുന്നു. പൊലീസ് വലയം ഭേദിച്ചും പ്രിയനായകനെ ഒന്നു തൊടാനും ഒരു സെല്ഫിയെടുക്കാനും ആരാധകര് തിരക്കു കൂട്ടി. ദിലീപിനെ കണ്ടയുടന് കാഞ്ചനമാല കസേരയില് നിന്ന് എഴുന്നേറ്റു വന്നു പൊന്നാടയണിയിച്ചാണ് സ്വീകരിച്ചത്. ബി പി മൊയ്തീന്റെ സ്മരമായിയുള്ള സേവാ മന്ദിര് 8.7 സെന്റ് സ്ഥലത്ത് ഉയരുന്ന കെട്ടിടത്തിന്റെ 2000 ചതുരശ്രയടി വിസ്തീര്ണമുള്ള ആദ്യനിലയ്ക്കാണ് അനുമതി കിട്ടിയിരിക്കുന്നത്. ഇതു പൂര്ണമായും ദിലീപ് നിര്മ്മിച്ചുനല്കും. അടുത്ത മാസം 15നു കെട്ടിടത്തിനു ദിലീപ് തന്നെ തറക്കല്ലിടും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
