എന്തിന് വേണ്ടിയാണ് കിട്ടിയ പുരസ്‌കാരങ്ങള്‍ അവര്‍ തിരികെ നല്‍കുന്നതെന്ന് നടി ശോഭന. കേന്ദ്ര സര്‍ക്കാരിനു എഴുത്തുകാര്‍ കിട്ടിയ പുരസ്‌കാരങ്ങള്‍ തിരികെ കൊടുക്കുന്നത് എന്തിന് വേണ്ടിയാണെന്നത് മനസിലാകുന്നില്ലെന്ന് ശോഭന പറഞ്ഞു.എന്തിന്റെ പേരിലായാലും പുരസ്‌കാരം മടക്കി നല്‍കാന്‍ താന്‍ ഉദ്ദേശിക്കുന്നില്ലെന്നും അവര്‍ കൂട്ടിച്ചേര്‍ത്തു.

സിനിമയില്‍ സജീവമായിരുന്ന സമയത്താണ് എനിക്ക് ഉര്‍വശി പുരസ്‌കാരം കിട്ടിയത്. ഒരുപക്ഷേ താമസിച്ചാണ് പുരസ്‌കാരം കിട്ടിയിരുന്നെങ്കില്‍ അത് വേണ്ടാന്ന് വയ്ക്കുമായിരുന്നുവെന്നും ശോഭന പറഞ്ഞു.കൊടുക്കേണ്ട സമയത്ത് കൊടുക്കാതെ പിന്നീട് അവാര്‍ഡ് കിട്ടിയതു കൊണ്ടാണ് ചിലര്‍ ഏറ്റുവാങ്ങാന്‍ തയ്യാറാകാത്തത്. സാറാ ജോസഫ് അടക്കമുള്ളവര്‍ പുരസ്‌കാരം മടക്കി നല്‍കിയത് എന്തിനു വേണ്ടിയാണെന്നും വിവാദം എന്താണെന്നും തനിക്ക് അറിയില്ലെന്നും ശോഭന വ്യക്തമാക്കി.

വ്യത്യസ്തവും എനിക്ക് എന്തെങ്കിലും പുതുതായി ചെയ്യാനുണ്ടെന്നു തോന്നുന്നതുമായ തിരക്കഥകള്‍ കിട്ടാത്തതു കൊണ്ടാണ് അഭിനയിക്കാത്തത്. \'തിര\'യിലേതു പോലുള്ള വേഷങ്ങള്‍ കിട്ടിയാല്‍ തീര്‍ച്ചയായും മലയാളത്തില്‍ വീണ്ടും അഭിനയിക്കും. മുന്‍കാലത്തെ ഇതിഹാസ ചലച്ചിത്രകാരന്‍മാര്‍ ഞങ്ങളെപ്പോലുള്ളവര്‍ക്ക് വേണ്ടി സിനിമകള്‍ ഒരുക്കിയിരുന്നു.

ഇക്കാലത്തെ എത്രപേര്‍ ഞങ്ങളുടെ പ്രായത്തിലുള്ളവര്‍ക്കു വേണ്ടി സിനിമ ചെയ്യുമെന്ന് അറിയില്ല. സ്വന്തമായി സിനിമ ചെയ്യണമെന്ന് ആഗ്രഹമുണ്ടെന്നും ശോഭന പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha