ആഷിഖ് അബുവിന്റെ പുതിയ ചിത്രമായ റാണി പത്മിനിക്കെതിരെ റിലീസ് ദിവസം തന്നെ മോശം പ്രതികരണം നടത്തിയ സംഭവത്തില്‍ ഓം ശാന്തി ഓശാന സംവിധായകന്‍ ജൂഡ് ആന്റണി ഖേദം പ്രകടിപ്പിച്ചു. റാണി പത്മിനി ഏറെ നിരാശപ്പെടുത്തിയെന്നായിരുന്നു ജൂഡ് ആന്റണിയുടെ ഫേസ്ബുക്ക് പോസ്റ്റ്.

റിലീസ് ചെയ്ത മണിക്കൂറുകള്‍ക്കുള്ളില്‍ മറ്റൊരു സംവിധായകന്‍ ചിത്രത്തെ കുറിച്ച് മോശം അഭിപ്രായം രേഖപ്പെടുത്തിയതാണ് വിമര്‍ശനങ്ങള്‍ക്ക് ഇടയാക്കിയത്. വിമര്‍ശനങ്ങള്‍ ശക്തമായതോടെയാണ് പോസ്റ്റ് പിന്‍വലിച്ച് ജൂഡ് ആന്റണി ഖേദപ്രകടനം നടത്തിയത്. \'ഒരുപാട് പ്രതീക്ഷകളോടെ കണ്ടത് കൊണ്ടാകാം, അതിഷ്ടമായില്ല. ഒരു പ്രേക്ഷകന്റെ സ്വാഭാവിക പ്രതികരണം മാത്രമായി അതിനെ കണ്ടാല്‍ മതി.\' ജൂഡ് ആന്റണി പറയുന്നു.

രണ്ടു സ്ത്രീകളുടെ കൊച്ചി മുതല്‍ ഹിമാചല്‍പ്രദേശ് വരെയുള്ള യാത്രയാണ് റാണി പത്മിനിയുടെ പ്രമേയം. കാശ്മീര്‍, ഹിമാചല്‍, ദില്ലി എന്നിവിടങ്ങളിലായിരുന്നു പ്രധാന ചിത്രീകരണം. പിഎം ഹാരിസും മുഹമ്മദ് അല്‍ത്താഫുമാണ് നിര്‍മ്മാതാക്കള്‍. ഛായാഗ്രഹണം മധുനീലകണ്ഠന്‍. ശ്യാം പുഷ്‌ക്കരനും രവിശങ്കരും ചേര്‍ന്നാണ് തിരക്കഥയൊരുക്കിയത്. റഫീഖ് അഹമ്മദിന്റെ വരികള്‍ക്ക് ബിജിപാലാണ് ഈണം നല്‍കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha