മലയാളികള്‍ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് ആഷിഖ് അബു ഒരുക്കിയ റാണി പത്മിനി എന്ന ചിത്രം. റാണി പത്മിനി തിയറ്ററുകളില്‍ എത്തിയതോടെ എവിടെയും ആവേശവും തിരക്കും. മഞ്ജു വാര്യരെയും റിമ കല്ലിങ്കലിനെയും പ്രധാനകഥാപാത്രങ്ങളെയാക്കി ഒരുക്കിയ ഈ ചിത്രത്തിന് നല്ല അഭിപ്രായങ്ങളാണ് ഇപ്പോള്‍ വരുന്നത്.സോഷ്യല്‍ മീഡിയയിലൂടെ മികച്ച അഭിപ്രായങ്ങളാണ് പലരും വ്യക്തമാക്കിയിട്ടുള്ളത്. മികച്ച അഭിപ്രായമായി ഒടുവില്‍ എത്തിയത് കോഴിക്കോടിന്റെ പ്രിയ കളക്ടര്‍ എന്‍ പ്രശാന്താണ്. ഫേസ്ബുക്കിലൂടെയാണ് അദ്ദേഹം തന്റെ അഭിപ്രായം പങ്കുവച്ചു. പ്രധാനമായി മഞ്ജുവിനെ പുകഴ്ത്തിയാണ് പ്രശാന്തിന്റെ കമന്റ്.

പ്രശാന്ത് നായരുടെ ഫേസ്ബുക്ക് പോസ്റ്റ് ഇങ്ങനെ:
റാണി പത്മിനി...അടുത്ത കാലത്ത് കണ്ട നല്ല എന്റര്‍ടെയിനര്‍. ക്ലാസ്സിനും മാസ്സിനും ഇഷ്ടപ്പെടാന്‍ വകുപ്പുണ്ടെങ്കിലും മുന്‍വിധി ഇല്ലാതെ കാണേണ്ട ചിത്രമാണിത്. സിനിമയെന്നാല്‍ സംഭാഷണ കോലാഹലമല്ലെന്നും ആത്യന്തികമായി അതൊരു ദൃശ്യകലയാണെന്നും പഠിപ്പിക്കുന്ന തിരക്കഥയും ആവിഷ്‌കരണവും. മഞ്ജു വാര്യര്‍ക്ക് മൊണോട്ടണസ് അല്ലാതെ, പെര്‍ഫോര്‍മന്‍സിന് സാധ്യതയുള്ള ഇത്തരം റോളുകള്‍ കിട്ടട്ടെ. തിരിച്ചുവരവില്‍ അവര്‍ക്ക് കിട്ടിയ ബെസ്റ്റ് റോള്‍.

റാണി പത്മിനി റിവ്യു വായിക്കാം:

മഞ്ജുവിന്റെ അടുത്ത കാലത്തെ ചിത്രങ്ങളിലെ ഡബ്ബിംഗ് വെച്ച് നോക്കിയാല്‍ ഇതില്‍ ഗംഭീരമായിട്ടുണ്ട്. പെര്‍ഫോര്‍മന്‍സ് പുറത്തെടുപ്പിച്ച സംവിധായകന് അഭിമാനിക്കാം. കാസ്റ്റിംഗ് പലതും രസമായിട്ടുണ്ട്. സ്ത്രീയുടെ പക്ഷം പറയുന്നു എന്ന് അവകാശപ്പെടുന്ന പല ചിത്രങ്ങളും എത്ര പൊള്ളയാണ്! എന്നാല്‍ ഇതിലൊരു ബാലന്‍സ് ഉണ്ട്. ഒരു ദം ഉണ്ട്. നല്ല ലൊക്കേഷന്‍. നല്ല ക്യാമറ. (റാണ എന്ന റേസറുടെ മുഖം ആദ്യമായി കാണിക്കുന്ന ഷോട്ട് വാസ് സട്ടില്‍ ബട്ട് ഓസം) പിന്നെ, നല്ല ബിജി. പോരാത്തതിന് കഥയില്‍ മെസേജും ഉണ്ട്.

പരിഹസിച്ചുള്ള ഡയലോഗിലൂടെയോ പഴത്തൊലിയില്‍ വീണോ മാത്രമേ ആള്‍ക്കാരെ ചിരിപ്പിക്കാനാകൂ എന്ന് വിശ്വസിക്കുന്ന ശരാശരി തിരക്കഥയില്‍ നിന്ന് വ്യത്യസ്തമാണ് റാണി പത്മിനി. കഥയില്‍ സഹനായികയായി പ്രത്യക്ഷപ്പെട്ട് നായികയെക്കാള്‍ നന്നായി പെര്‍ഫോര്‍മ് ചെയ്യുന്ന റിമയാണ് ചിത്രത്തില്‍ ഏവരുടെയും മനംകവര്‍ന്നത്. ചിത്രത്തില്‍ വെളിപ്പെടാത്ത ആഷിക് അബു എന്ന സംവിധായകനാണ് ഇതിലെ യഥാര്‍ത്ഥ നായകന്‍. കലക്ടര്‍ പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha