ഫഹദ്-നസ്രിയ താരദമ്പതികള്‍ എന്നും മലയാളിപ്രേക്ഷകര്‍ക്ക് പ്രിയപ്പെട്ടവരാണ്. ഇരുവരുടെയും പുതിയ ഫോട്ടോ സോഷ്യല്‍മീഡിയയില്‍ തരംഗമാകുകയാണ്. നസ്രിയയുടെ മാറ്റം തന്നെയാണ് ഏവരും ചര്‍ച്ച ചെയ്യുന്നതും. സാരിയില്‍ നസ്രിയ പക്വതയായി കാണുന്നുവെന്നാണ് ആരാധകരുടെ കമന്റ്.
പ്രേക്ഷകരുടെ മുന്നില്‍ ജനപ്രീതിയുടെ ഉയര്‍ന്ന ഗ്രാഫില്‍ നില്‍ക്കുമ്പോഴായിരുന്നു അപ്രതീക്ഷിത വിവാഹ പ്രഖ്യാപനവുമായി നസ്രിയ സിനിമയില്‍ നിന്നു പിന്‍മാറിയത്. മലയാള സിനിമയില്‍ ഏറെക്കാലത്തിനു ശേഷം യുവനടിമാരില്‍ ശക്തമായ സാന്നിധ്യമായി നസ്രിയ മാറുമെന്ന പ്രതീക്ഷ നിലനില്‍ക്കുമ്പോഴായിരുന്നു പിന്‍മാറല്‍.
വിവാഹത്തോടെ അഭിനയത്തിന് താത്കാലിക വിരാമമിട്ട നസ്രിയയ്ക്ക് ഈ വര്‍ഷത്തെ മികച്ച നടിക്കുള്ള സംസ്ഥാന അവാര്‍ഡ് ലഭിച്ചിരുന്നു. ഓം ശാന്തി ഓശാന, ബാംഗ്ലൂര്‍ ഡെയ്‌സ് എന്നീ സിനിമകളിലെ അഭിനയത്തിനായിരുന്നു പുരസ്‌കാരം.
വിവാഹത്തോടെ നസ്രിയ അഭിനയജീവിതത്തില്‍ നിന്നുവിടപറഞ്ഞെങ്കിലും ഫേസ്ബുക്കിലൂടെ താരം പ്രേക്ഷകരുമായി സംവദിക്കാറുണ്ട്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha