മലയാളത്തിന്റെ പ്രിയ നടന്‍ ദിലീപിന് ഇന്ന് പിറന്നാള്‍. നിരവധി പേരാണ് ദിലീപിന് ആശംസകളുമായി ഫെയ്‌സ് ബുക്കിലൂടെ എത്തിച്ചേര്‍ന്നത്. നാല്‍പത്തി ഏഴാം ജന്മദിനമാണ് ദിലീപ് ഇന്ന് ആഘോഷിക്കുന്നത്. മിമിക്രിയിലൂടെയാണ് ദിലീപ് കലാരംഗത്ത് എത്തിയത്. കലാഭവന്‍ ട്രൂപ്പില്‍ മിമിക്രി കലാകാരനായിട്ടായിരുന്നു തുടക്കം.
പില്‍ക്കാലത്ത് സിനിമയില്‍ സഹസംവിധായകനായും പ്രവര്‍ത്തിച്ചു. കമല്‍ സംവിധാനം ചെയ്ത എന്നോടിഷ്ടം കൂടാമോ (1992) എന്ന ചിത്രത്തില്‍ ചെറിയൊരു വേഷം ചെയ്തുകൊണ്ട് ചലച്ചിത്ര അഭിനയ രംഗത്ത് തുടക്കം കുറിക്കുകയായിരുന്നു.
ഏഴരക്കൂട്ടം, മാനത്തെ കൊട്ടാരം, സല്ലാപം തുടങ്ങിയ ചിത്രങ്ങളിലൂടെ ശ്രദ്ധ പിടിച്ചുപറ്റി. ജോക്കറിനുശേഷം ചിത്രങ്ങള്‍ ഒന്നിനു പുറകെ ഒന്നായി ഹിറ്റായതോടെ ദിലീപിന്റെ താരമൂല്യം കുതിച്ചുയര്‍ന്നു. മാനത്തെ കൊട്ടാരം (1994) മുതല്‍ നിരവധി ചിത്രങ്ങളില്‍ നായകനായി. കുഞ്ഞിക്കൂനന്‍, ചാന്ത്‌പൊട്ട് എന്നീ ചിത്രങ്ങളിലെ അഭിനയം വളരെയെറെ പ്രശംസ പിടിച്ചു പറ്റി. ആകെ നൂറിലധികം ചിത്രങ്ങളില്‍ അഭിനയിച്ചു.
ഗ്രാന്റ് പ്രൊഡക്ഷന്‍സ് എന്ന സിനിമാ നിര്‍മ്മാണ സ്ഥാപനം ദിലീപ് തുടങ്ങുകയുണ്ടായി. സഹോദരന്‍ അനൂപാണ് നിര്‍മ്മാണ കമ്പനിയുടെ സാരഥി. നാലു ചിത്രങ്ങള്‍ നിര്‍മ്മിച്ചു. ഇവയില്‍ ട്വന്റി20 മലയാള സിനിമയിലെ ഏറ്റവും വലിയ വിജയങ്ങളിലൊന്നാണ്. മലയാള സിനിമയില്‍ നിറഞ്ഞു നിന്നിരുന്ന നായിക മഞ്ജു വാര്യരെയാണ് ദിലീപ് വിവാഹം ചെയ്തിരിക്കുന്നത്. എറണാകുളത്തെ ആലുവയിലാണ് ദിലിപ് താമസിച്ച് വരുന്നത്.
ചന്ദ്രനുദിക്കുന്ന ദിക്കില്‍,ദീപസ്തംഭം മഹാശ്ചര്യം,മേഘം , പ്രണയനിലാവ്, ഉദയപുരം സുല്‍ത്താന്‍ , ജോക്കര്‍,തെങ്കാശിപ്പട്ടണം,ഡാര്‍ളിംഗ് ഡാര്‍ളിംഗ്,മിസ്റ്റര്‍ ബട്ട്‌ലര്‍,വര്‍ണ്ണക്കാഴ്ചകള്‍ തുടങ്ങി നിരവധി സിനിമകളില്‍ ദിലീപ് അഭിനയിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha