തന്നെ വിവാഹം കഴിപ്പിക്കാന്‍ ധൃതി വയ്ക്കുന്നവരോട് അസിന്‍ പറയുന്നു, വിവാഹം അടുത്തകൊല്ലം. അതിനു മുമ്പ് ഏറ്റെടുത്ത ചിത്രങ്ങള്‍ പൂര്‍ത്തിയാക്കും. വിവാഹം കഴിക്കാന്‍ തനിക്കില്ലാത്ത തിരക്ക് നാട്ടുകാര്‍ക്ക് എന്താനാണെന്നാണ് അസിന്റെ ചോദ്യം. നവംബര്‍ 26 ന് അസിന്‍ വിവാഹിതയാവുന്നു എന്നാണ് സാമൂഹ്യ മാധ്യമങ്ങള്‍ ഉള്‍പ്പെടെയുള്ള മാധ്യമങ്ങള്‍ പ്രചരിപ്പിക്കുന്നത്.
ഡല്‍ഹി ആസ്ഥാനമായി പ്രവര്‍ത്തിക്കുന്ന ബിസിനസുകാരന്‍ രാഹുല്‍ശര്‍മ്മയാണ് അസിന്റെ കഴുത്തില്‍ മിന്നു കെട്ടുന്നത് അസിന്റെ ജന്‍മദിന പാര്‍ട്ടിയില്‍ പങ്കെടുക്കാന്‍ ഇരുവരും ഏതോ വിദേശ രാജ്യത്ത് ഒരുമിച്ചപ്പോഴാണ് അസിന്റെ വിവാഹ വാര്‍ത്ത നാട്ടില്‍ സജീവമായത്. നേരത്തെയും അസിന്റെ വിവാഹ വാര്‍ത്ത മാധ്യമങ്ങള്‍ വഴി പ്രചരിക്കപ്പെട്ടിരുന്നു. ഇക്കൊല്ലം പൂര്‍ത്തിയാകുന്നതോടെ സിനിമകളെല്ലാം പൂര്‍ത്തിയാകുമെന്നാണ് അസിന്‍ മാധ്യമങ്ങളെ അറിയിച്ചത്. അടുത്ത വര്‍ഷം ആദ്യം വിവാഹം എന്നാണ് അസിന്റെ മനസിലിരുപ്പ്.
അതേസമയം ഇരുവരും തമ്മിലുള്ള വിവാഹം രഹസ്യമായി ഡിസംബറില്‍ തന്നെ നടക്കുമെന്നും കേള്‍ക്കുന്നു, ഇക്കാര്യം ചോദിച്ചപ്പോള്‍ താരം പറഞ്ഞത് വിവാഹം രഹസ്യമായിരിക്കില്ല എല്ലാവരെയും അറിയിച്ചു നടത്തും എന്നാണ്.
സിനിമാ താരങ്ങളാകുമ്പോള്‍ പ്രേമിക്കുന്നതും പിരിയുന്നതും പുതുമയല്ല. പെട്ടെന്ന് പ്രേമിക്കുകയും അതേ വേഗത്തില്‍ പിരിയുകയും ചെയ്ത നിരവധി ബന്ധങ്ങള്‍ ഇന്ത്യയിലുണ്ട്. എന്നാല്‍ രാഹുലും താനുമായുള്ള ബന്ധം അത്തരത്തിലുള്ളതല്ലെന്നാണ് അസിന്റെ നിലപാട്.
രാഹുല്‍ശര്‍മ്മയും അസിനും തമ്മിലുള്ള പ്രണയത്തിന് മാസങ്ങളുടെ പഴക്കമാണുള്ളത്. അസിന്റെ വിദേശ പരിപാടികളുടെ സംഘാടകനായിരുന്നു കോടീശ്വരനായ രാഹുല്‍ശര്‍മ്മ. വിമാന യാത്രയ്ക്കിടയിലാണ് ഇവരുടെ പ്രണയ ബന്ധം വളര്‍ന്നതും വളര്‍ന്നു പരിലസിച്ചതും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha