സിനിമ മേഖല രാഷ്ട്രീയം കഴിഞ്ഞാല്‍ ഏറ്റവും കൂടുതല്‍ തൊഴുത്തികുത്തും കുതികാല്‍വെട്ടുമുള്ള മേഖലയാണെന്ന് സിനിമക്കാര്‍ത്തന്നെ സമ്മതിച്ചിരിക്കുന്നതാണ്. ഇതാ അങ്ങനത്തെ വിലാപവുമായി ഒരാള്‍ കൂടി രംഗത്ത്. മലര്‍വാടി ആര്‍ട്‌സ് ക്ലബ്ബ് എന്ന് യുവാക്കളുടെ കഥപറഞ്ഞ ചിത്രത്തിലൂടെ വെള്ളിത്തിരയിലെത്തിയ നടനാണ് ഭഗത് മാനുവല്‍. തുടര്‍ന്ന് നിരവധി ചിത്രങ്ങളില്‍ പ്രധാനവേഷത്തിലെത്തിയ നടന്‍ തന്റെ അവസരങ്ങള്‍ ഒരു യുവനടന്‍ തട്ടിത്തെറിപ്പിക്കുന്നതായി തുറന്ന് പറഞ്ഞിരിക്കുകയാണ്. സിനിമാ മംഗളത്തിന് നല്കിയ അഭിമുഖത്തിലാണ് നടന്‍ ഇക്കാര്യം പറഞ്ഞത്.
ഞാന്‍ ജേഷ്ഠന് തുല്യം സ്‌നേഹിക്കുന്ന ആളാണ് അദ്ദേഹം. അതും മലയാള സിനിമയില്‍ വളര്‍ന്ന് വരുന്ന യുവതാരവും. എന്തായാലും എന്റെ അവസരങ്ങളില്‍ അവര്‍ തിളങ്ങട്ടെ ഭഗത് പറയുന്നു.ഒരിക്കലും എന്നെ ചതിക്കില്ലെന്ന് വിചാരിച്ച എന്റെ ചങ്ങാതി തന്നെ. അതേ നിങ്ങള്‍ സ്‌നേഹിക്കുന്ന യുവനടന്‍. ഒരിക്കലും ഞാന്‍ അവന്റെ പേര് പറയാന്‍ ആഗ്രഹിക്കുന്നില്ലെന്നും താരം പറയുന്നു.
ശരിക്കും തകര്‍ന്ന് പോകുകയായിരുന്നു. ആദ്യത്തെ സിനിമ മുടങ്ങി കഴിഞ്ഞ് രണ്ടാമത്തെയും മൂന്നാമത്തെയും ഇങ്ങനെ തന്നെയായപ്പോള്‍ എനിക്ക് കാര്യം മനസ്സിലായി ഇത് ആരോ മുടക്കുന്നതാണെന്ന്. പക്ഷേ പല തവണ ശ്രമിച്ചിട്ടും അത് ആരാണെന്ന് മനസിലാകുന്നില്ലായിരുന്നു. ഇപ്പോഴിതാ എന്റെ അവസരങ്ങള്‍ മുടക്കിയിട്ട് സന്തോഷിക്കുന്ന ആ അജ്ഞാതനെ ഞാന്‍ കണ്ടെത്തിയെന്നും ഭഗത് പറയുന്നു.
സമപ്രിയരായി എത്തിയ അജുവും നിവിനും ഇന്ന് സിനിമയില്‍ കത്തിക്കയറുകയാണ്.
എന്റെ വളര്‍ച്ച തടയാന്‍ തന്റെ സുഹൃത്ത് കൂടിയായ യുവനടന്‍ തനിക്കുള്ള അവസരങ്ങള്‍ അവസാന നിമിഷം തട്ടിപ്പറിപ്പിക്കുന്നതെന്നാണ് ഭഗത് പറയുന്നത്. ചിത്രത്തിന് വേണ്ടി ഡേറ്റ് നല്‍കി അഡ്വാന്‍സും വാങ്ങി കഴിഞ്ഞ് ലൊക്കേഷനില്‍ പോകാനൊരുങ്ങുമ്പോഴേക്കും ആ ചിത്രത്തില്‍ നിന്ന് തന്നെ ഒഴുവാക്കി എന്ന് അറിയുന്നത്. ഇങ്ങനെ ഒന്നല്ല മൂന്ന് സിനിമകളാണ് തനിക്ക് നഷ്ടമായാതെന്ന് ഭഗത് പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha